من ربوع حمّانا، جربوا كباب بالكرز من إيدان أهل الضيعة!
شو أول شي بيخطر عبالكن لمّا نقلكن “حمّانا”؟ سلّات الكرز المليانة ولا الأسواق القديمة؟ بهالفترة من السنة، حمّانا بتكون بأوج موسم الكرز، الناس بتزور هالضيعة الحلوة كل سنة لتنبسط بمهرجان الكرز التقليدي وكل حدا بينزّل إبداعاتو، أو لتشارك بنشاطات تحويش الكرز اللي بتنعمل بالضيعة. لمحبي الكرز الحمّاني الأصيل، اليوم لقينالكن جوهرة مهضومة بتقدم طبق بيشهي! خلونا نعرّفكن ع Cherry Kabab Gourmet مقصدكن الأول بحمّانا لتدوقوا طبق الكباب بالكرز!
شو اللي بميّز كباب بالكرز اللي بعملها هالمحل؟ الكرز بلدي وطازة من أرض حمّانا، طعمتو غنية وشهية. بيعملوا منو صوص سرية ولذيذة بكل شغف وحب، بتعيّشكن تجربة تذوق مميزة وحمّانية بإمتياز من تحت إيدان أهل الضيعة.
وما وقفت هون، عند Cherry Kabab Gourmet بيستعملوا اللحمة طازة من عند اللحام، وبأجود نوعية. هيك بتستمتعوا بطعمة الكباب المشوي المغمور بصوص الكرز الغنية، وبتدوقوا لقمة ما بتلاقوها وين ما كان! خلصوا هالطبق، وابرموا أسواق حمّانا وتفرجوا ع جمالها الساحر! من بيوتها وتراثها وغناها وأطيابها البلدية، وناسها الطيبة.
عيشوا هالتجربة اللذيذة من قلب حمّانا الحلوة عندن، فيكن تابعوهن ع الإنستغرام هون.
وللمزيد من المعلومات، اتصلوا ع الرقم 336 554 70.
خبرونا، بتحبوا الكرز الحمّاني الأصيل؟ وهل بتجربوا طبق كباب بالكرز المميز؟
شوفوا كمان،
