لمحبي الحلو البيروتي، المكاري عامل بوظة ع مفتقة!

المفتقة، حلو بيروتي عندو تاريخ عريق مع البيارتة. كان عبارة عن حلو تقليدي بس ينعمل بالبيت، لحد ما قرر حلويات المكاري يصير يقدم منو. ومن وقتها لليوم، حلويات المكاري أكتر محل مشهور بالمفتقة البيروتية ع أصولها، بترجع خبريتن لسنة ١٩٢٠ إذا مش أكتر!

رز، سكر، وطحينة، عقدة صفرا، صنوبر هني مكونات هالحلو، بس مش الكل بيعملها طيبة أد المكاري. أصيلة، ناعمة، خفيفة، شهية، وبتحلي قلبكن! بيعملها بالقشطة أو بالجبنة، حسب شو بتفضلوا. وحتى بيعمل مفتقة مع حلوم، بتجمع الطعم الحلو والمالح مع بعضو.

وع الصيف، قرر حلويات المكاري يقدم بوظة ع نكهة المفتقة، طريقة بالتقديم بتميّز الطعمة التقليدية اللي معودين عليها. هيك بوظة دقّة بتبورد القلب، معمولة ع شكل رول، ومرشوش عليها فستق حلبي!

ومش بس هيك، كمان المكاري قرر يقدم بوظة من كل نكهات الحلو العربي اللي عندو ياها. وللصراحة مننصحكن تجربوا عندو بوظة ع كنافة بيعملها ع طريقتو، أو بوظة ع بقلاوة بالفستق الحليي!

خبرونا، رح بتجربوا بوظة المفتقة عند المكاري؟ وأي نكهة رح تختاروا، المفتقة البيروتية ولا الكنافة العربية؟

بتلاقوا المحل ببيروت الملّى، ع اوتستراد عائشة بكار، مقابل مسجد عائشة بكار. فيكن تابعوهن ع الإنستغرام هون.

للمزيد من المعلومات، اتصلوا على 552 865 21

شوفوا كمان،

هيك أسعار كيلو البوظة المشكل عند أشهر المحلات بلبنان!

أطيب ٩ محلات بوظة عربية بلبنان