حلّو قلبكن مع بوظة الداعوقية عند الداعوق ما غيرو!

مين غرامو حلو الداعوقية الشهير؟ هالحلو البيروتي بلّش فيه حلويات الداعوق من سنة ١٩٨٢، وتميّز فيه عن غيرو من المحلات (حتى تسمى ع اسمو!). عجينة الفستق الحلبي جذبت كل محبي الحلو العربي لعندو، وهالصيفية عم يعملنا حلويات الداعوق أطيب بوظة ع داعوقية! خلونا نخبركن عنّا.

بتميلوا عند حلويات الداعوق بفرعو ع طريق الجديدة أو بالضاحية معوّض، وبتشوفوا أطيب نكهة بوظة للموسم. إن كنتوا من محبي البوظة ع قشطة التقليدية، لازم تجربوها مع الداعوقية.

بوظة الداعوقية رح تصير نكهتكن المفضلة هالصيف! معمولة من طبقتين من عجينة الفستق الغنية، ومحشية بوظة على قشطة، مرشوش عليها بندق أو فستق حلبي من فوق. الطعمة غنية وبتشهي، وكل شي من مواد طبيعية ولذيذة. وإذا عبالكن تجربوا نكهات تانية، بتلاقوا كتير طعمات بوظة ناطرتكن!

مش بس فيكن تبوردوا قلبكن ع بوظة الداعوقية، بس كمان فيكن تحلّوها وتجربوا كنافة الداعوقية اللي عملت ضجة بالفترة الأخيرة وكتار جرّبوها وحبّوها! 

حلويات الداعوق مش بس عندو أطيب داعوقية، هو أصل وملك الداعوقية بلبنان! فيكن تابعوهن ع الإنستغرام هون. للمزيد من المعلومات او لخدمة التوصيل، فيكن تتصلوا على الأرقام التالية:

حلويات الداعوق – فرع طريق الجديدة: 203 300 01

حلويات الداعوق – فرع الضاحية معوّض: 182 919 78 – 182 919 70

شوفوا كمان:

 بوردوا قلبكن ع حلاوة الجبن محشيّة بوظة!

لمحبي الحلو البيروتي، المكاري عامل بوظة ع مفتقة!