لقينالكن أسهل وأوفر طريقة لتحويلات المصاري بلبنان!

كتار منّا ما بيحبوا يتعاملوا مع تحويلات المصاري. بس أكيد سمعتوا عن شركة Purpl اللبنانية المختصة بمجال التكنولوجيا المالية مرة وحدة على الأقل من أوّل ما بلشت سنة 2021 وانطلقت سنة 2023! فهل هالتطبيق المالي الجديد فعلاً عم يسهل حوالات المصاري؟

من وقت الأزمة المالية، هالموضوع تغيّر. لما نبعت أو نستلم مصاري، غالباً الحوالات بتوصل ناقصة كم دولار لأن أغلب خدمات تحويل الأموال بتأخذ رسوم كبيرة على العملية. وهالشي مش منيح للعائلات اللي بيعتمدوا على المصاري اللي بيجوا من قرايبينن برا. رسوم التحويل ورسوم السحب صرنا نعملّن حساب لما كل دولار بيفرق!

هل التطبيق سهل الإستخدام متل ما بيقولوا؟

نزلنا التطبيق وطلع كتير سهل! تصميم بسيط، والتعليمات واضحة. أول شي بيطلب منكن تعملوا حساب وتكتبوا اسمكن متل ما هو مكتوب عالهويّة أو جواز السفر. بتحطوا رقم تليفونكن، و ال email، وبيوصلكن رمز عالتليفون، وبعدها بيتم تأكيد الحساب عبر الإيميل. وهيك، بتكون أول خطوة خلصت!

بس التطبيق بعدو بحاجة ليتأكد من هويّتكن، فكل اللي عليكن تعملوا هو إنكن تصوروا مستند قانوني، وتاخدوا صورة سيلفي ليتأكدوا إنو وجّكن متوافق. هني كم خطوة زيادة، بس ما فيهن شي إذا بيعنوا أمان أكتر.

كيفية استخدام التطبيق:

إذا كنتوا Freelancer وبتستلموا دفعات من عملاء أجانب، أو ناطرين مصاري من حدا من قرايبينكن برا، فيكن تستعملوا Paysend أو Remitly لتحويل الأموال. ومش بس هيك! كمان المغتربين فيهن يستفيدوا من هالخدمة اللي ما بتكلف كتير ليحولوا مصاري لحالن وقت يزوروا لبنان.

تحويل المصاري على لبنان عبر Purpl بيشتغل حالياً من أكتر من ٤٦ بلد! كل اللي لازم يعملو أي حدا بدو يبعت المصاري هو ينزّل إما Paysend أو Remitly، يربط حساب البنك أو بطاقة فيزا، يحط المبلغ مع تفاصيل المستفيد، ويبعتن عبر Purpl.

الشي الحلو هو انو Purpl فعلياً أرخص بمرتين ع مرسل المصاري عن باقي خدمات تحويل الأموال الموجودة. والمستلمين فيهن يسحبوا مصاري بدون أي رسوم من أكتر من 100 صراف آلي تابع لـبنك لبنان الفرنسي ، ومن دون ما يحتاجوا بطاقة أو حساب بنك. التطبيق كمان بيساعدكن تلاقوا الصراف الآلي الأقرب إلكن!

Purpl خطوة كتير منيحة ووفيرة بلبنان، خاصةً للأشخاص اللي بيعتمدوا على الحوالات من قرايبين برا البلد أو حتى ال Freelancers اللي عندن عملاء أجانب. هي تعتبر الأرخص لمرسل المصاري، ما فيها رسوم سحب كاش للمستلم، وبتقدم تحويلات فورية.

عندن كمان كتير خدمات ومزايا جديدة رح تكون متوفرة قريباً!

شوفوا هيدا الرابط لتنزلوا التطبيق المجاني على iOS و Android. لمزيد من المعلومات، ما تنسوا تزوروا صفحتهن على إنستغرام والموقع الإلكتروني!

لمزيد من الخدمات المحلية المفيدة، تأكدوا أنكن تتصفحوا هالقسم على موقعنا.