بعرض مؤثر، فرقة رقص مياس تهدي تحية للجنوب وبيروت

فرقة الرقص مياس أبهرت الجمهور بتحية مؤثرة لبيروت والجنوب خلال عرضن الليلة الماضية بتاريخ 1 آب 2024 ب واجهة بيروت البحرية.

الفايزين بمسابقة America’s Got Talent Season 17 أدّوا عرض أوّل بلبنان، بحضور استثنائي على خشبة المسرح وتحت عنوان “قومي”.هالإستعراض أبهر الجماهير ل ٨٠ دقيقة! وعبّر بكل رقصة عن التراث اللبناني، وكان بإشراف من نديم شرفان. على عكس عروضن السابقة المستوحاة من الخيال، هالعرض كان بيمثل بشكل “واقعي” الحياة اليومية للبنانيين.

كان من اللافت إنو جزء من العرض وجّه تحية للجنوب! كان تحت عنوان “أنا الجنوب”، وظهر العنوان على شاشة المسرح مع دخان ورماد متطاير. العرض الراقص كان مبهر للجمهور، مع إستعراض مسرحي مترافق مع حوار بين راقصين، واحد بيمثل بيروت والتاني بيمثل الجنوب.

الإستعراض كان فيه كلمات حلوة عن بيروت، متل: “وجهاً لوجه مع الأعداء، كي أدفع عنكِ البلاء، بيروت لا تخضعي، إنّ فؤادكِ يحميه أضلعي” وبينتهي بقول، “نحن الحجار وأنتِ ألماس”.

الإختيار الإبداعي باستخدام صوت واحد للحوار ونفس اللبس للراقصين، عبّر بالفن عن وحدة البلد ورفع من مستوى هالأداء اللامع.

هيدا كان أول عرض لفرقة مياس ببيروت بعد نجاحاتن عالمياً. كتير متحمسين نشوف شو مخبّيين بعد! ومنأمل نشوف مواهبن اللامعة على المسارح المحلية والدولية.

خبرونا، حبيتوا هالعرض؟

إذا بدكن تحضروا أي عروض جاية، تأكدوا تتابعوهن على إنستغرام.

شوفوا كمان: