تعرفوا على بنجامين: اللعيب اللبناني يلي عمل ضجة بالأولمبكس

بنجامين حسن، هالاسم اللي تردد مؤخراً كتير، قصة نجاح بتحكي عن الإصرار والعزيمة، وعن حب الوطن.

بنجامين، اللي بلش يلعب تنس من وهوي عمرو 6 سنين، تعلم كل شي من بيو، اللعيب الدولي السابق زكي حسن. بالرغم من إنو ما بيحكي عربي كتير، إلا إنو بيحمل حب كبير لبلدو لبنان.

هوي مأثر كتير بأسطورة التنس روجر فيدرر، وبيعتبرو مثلو الأعلى. حسن ما كان متوقع إنو رح يوصل للأولمبياد، بس إصرارو وعشقه للتنس خلو يحقق هالإنجاز الكبير ويصير أول لبناني بيشارك بالأولمبياد عن لعبة التنس. هاللعيب الموهوب، رغم خسارتو من يومين أثبت إنو مش بس لاعب موهوب، بل هو بطل حقيقي وقاتل لآخر تكة.

بنجامين، اللي بيحمل الجنسيتين الألمانية واللبنانية، قرر يمثل لبنان ب المحافل الدولية، وبالفعل حقق إنجاز تاريخي بفوزو على اللعيب يلي وصل لربع نهائي ويمبلدن. طريقتو ب اللعب السلسة والمهارية العالية خلت الكل يحكي عنو.

غير هيك، بنجامين حسن، شب لبناني بسيط، حبو للتنس خلا يسافر على عدةبلاد وعلى الرغم من التعب ما استسلم. من ملاعب التنس بإلمانيا، وصل لأكبر المحافل الدولية، ورفع علم لبنان بالعالي.

بنجامين منو بس لعيب موهوب، هو كمان إنسان بسيط بيحب الناس. رغم الضغط الكبير اللي بيعيشو كلعيب محترف، ما نسي أصولو اللبنانية، وبحب يضل يجي على لبنان ويزور عيلتو وأصحابو.

قصة بنجامين بتحكي عن الإصرار والعزيمة، وعن كيف إنو الحلم ممكن يتحقق إذا كنتو عنجد مصممين توصلوا. هوي مثال للشباب اللبنانية، وبيثبت إنو ما في شي مستحيل.

منتمنى من كل قلبنا لبنجامين التوفيق بتصفيات الgrand slams لي جايين، وانشالله بتوصل للمزيد من الإنجازات اللي بتشرف لبنان.

شوفوا كمان، بدك تصير لعيب تنس محترف؟ تعرف على المدرب ببيروت.