ممثلين هوليوود يلي ما كنتو تعرفوا إنو أصلن لبناني

صح منعرف شاكيرا، سلمى حايك، جينا ديوان، و وينتوورث ميلر. بس فعلياً في كتير مشاهير تانين من أصول لبنانية. هون بعض ممثلين هوليوود اللي أكيد ما بتعرفوا إنه عندن جذور لبنانية.

١. شانون إليزابيث

النجمة الشهيرة شانن إليزابيث لعبت دور بافي جيلمور بفيلم Scary Movie (سنة 2000) اسمها الأصلي هو شانن إليزابيث فاضل. والدها من أصول سورية ولبنانية.

٢. فينس فون

فينس فون، المعروف بأفلام مثل Swingers (1996) وWedding Crashers (2005)، هو من أصل لبناني. ستو من عيلة بو صعب، جايب جذورو اللبنانية منها!

٣. زوي سالدانا

نجمة Guardians of the Galaxy مولودة من والدين بورتوريكيين ودومينيكيين، بس صرحت مرة إنو أصولها لبنانية وإنها كتير فخورة بهل شي. كمان عبّرت عن حبها للأكل اللبناني.

٤. روز عبدو

الممثلة والكوميدية روز عبدو معروفة بأدوارها ب Gilmore Girls (2000), 2 Broke Girls (2011)، وأكتر. عندها جذور لبنانية ودومينيكانية، وسبق وحكيت عن صعوبات واجهتها كامرأة ذات لون بمجال الشهرة.

٥. كاثي نجيمي

إذا ما كنتوا بتعرفوا إنو الموهوبة كاثي نجيمي لبنانية، هلأ صرتوا تعرفوا! معروفة بأدوارها بـ Sister Act (١٩٩٢) وHocus Pocus (١٩٩٣)، وولدت من أهل لبنانيين-أميركان ساميا وفريد نجيمي. أمها عاشت معظم حياتها بلبنان قبل ما تهاجر على أمريكا.

٦. إيمي ياسبك

مشهورة بأدوارها بـThe Mask (1994)،Pretty Woman (1990) و Robin Hood: Men in Tights (1993)، أصول أيمي ياسبك اللبنانية جايي من بيّا، جون أنطوني ياسبك.

٧. كايسي قاسم

الأسطوري كايسي قاسم كان الصوت ورا شخصية شاغي من Scooby-Doo وروبين من Super Friends! كمان كان مقدّم برامج راديو كتير مشهور. اسمو الحقيقي كمال أمين قاسم، وأهلو، هيلين وأمين، هاجروا من لبنان.

شوفوا كمان، لأول مرة ب صور: ألعاب مائية للزغار بنص البحر.