هيدي البسطة بالضاحية عندها أكبر وأطيب صحن فول وحامض بلبنان

أحمد شاب لبناني فاتح بسطة حامض و فول بتجنن بالضاحية! تحديدًا تحت جسر المشرفية، في بسطة بسيطة بس بتقدم أكبر وأطيب صحن فول وحامض بلبنان! الصحن مش بس كبير بالحجم، بس كمان غني بالطعم، مليان بالنكهة يلي كلنا منحبها.

أحمد بيساعدو إخواتو الصغار بعد المدرسة وبيوقفوا معاه ورا البسطة، أديه مهضوم هالشي؟

وهيدا الصحن؟ بحجمو الكبير، ريحتو يلي بتشهي، بطعمتو الطيبة، بكرمو وبساطتو، صار جاذب كتير زباين ع المنطقة بس ليجربوا من عندن هالصحن. مليان بالكمون يلي بيعطي نكهة دافية وغنية، معرّم لفوق بالفول السخن، قطع الحامض، الذرة، الشمندر، والجزر يلي بيقرش، مع رشة من الملح. كل هالمكونات بيمزجوا سوا بصحن فول وحامض محرز بيشبع نظركن قبل بطنكن.

هيدا غير صحن الذرة مع جبنة وزبدة ومكتّر بهارات، بتشهي!

إذا مرة كنتوا بالضاحية وشمّيتوا ريحة الفول السخن، مع الكمون القوي والحامض مزينين الصحن، لازم توقفوا وتجربوا. يتلاقوا هالمحل تحت جسر المشرفية، وعندن ديليفري على الرقم: 290 024 81. 

شوفوا كمان، تعرفوا ع أهضم وأصغر صاحب بسطة كعك ببيروت!