هيك طلعوا النجوم اللبنانيين بترند الدمى للذكاء الاصطناعي!
إذا بعدكن مش سامعين بهالترند، الناس عم يستخدموا الذكاء الاصطناعي ليحولو حالن لدمى داخل علب، وكأنن باربي. قلنا ليش ما منجربها نحنا كمان؟ فركبنا الموجة وتخيلنا كيف بيطلعوا أشهر النجوم اللبنانيين إذا صاروا دمى AI.
١. هيفاء وهبي
الفستان الأحمر اللي بلمع، المكياج الجريء على العينين، والمجوهرات الحلوة؟ هيك بالضبط منتخايل دمية هيفا المثالية بالذكاء الاصطناعي.
٢. إليسا
تاج لملكة الإحساس، ومراية بتذكرنا بغنيتها “يا مرايتي”. وحسينا كمان إنو إليسا بتحب الجاكيتات الجينز، ما هيك؟
٣. راغب علامة
ما لقينا فكرة أهضم من إنو نحطلوا لراغب فراشة، بتذكرنا برقصة الفراشة الشهيرة تبع غنيتو “يا ريت فيي خبيها“.
٤. نانسي عجرم
ضحكتها، الفستان الوردي، والستايل الناعم… هيدي نانسي لي منحبها! طبيعي الدمية الخاصة فيها تكون فرحة ومليانة طاقة حلوة متلها. والـMarshmello ماسك؟ بذكرنا بشخصيتها الطفولية.
٥. وائل كفوري
عندو شغف بالنظارات الشمسية والسلاسل الذهبية، وهيدا الشي أكيد بينعكس على دميتو. وائل كلاس وأنيق ورومانسي، وعطول “حامل بإيدو وردة أهات وذكريات“.
شوفوا كمان، بتتذكروا لما بطل الفورمولا 1 الشهير زار لبنان وأكل منقوشة؟
