مدونة
سارة ترحيني

هالصيف بلا مغارة جعيتا؟ وزارة السياحة بإعلان مهم!

أعلنت وزارة السياحة إنو مغارة جعيتا رح ترجع تفتح أبوابها قريباً، بعد ما ضلّت مسكّرة لحوالي 6 شهور بسبب وفاة المستثمر السابق يلي كان مسؤول عن تشغيلها.

هالخبر طمّن كتير ناس، خاصة إنو مغارة جعيتا تعتبر من أبرز المعالم السياحية بلبنان ومن عجائب الدنيا السبع وكان في خوف كبير من تضلّ مسكّرة بهيدا الصيف مع توافد السياح بأعداد كبيرة ع لبنان.

الوزارة سارعت لتلاقي الإجراء القانوني المناسب، ووضّحت إنو تم توقيع عقد اتفاق بالتراضي مع بلدية جعيتا لتشغيل المغارة بشكل مؤقت، لحتى ترجع تستقبل الزوّار بأقرب وقت. وأكدت إنو الافتتاح رح يتم خلال الأسابيع الجاي.

كمان شددت وزارة السياحة إنو كل الإجراءات عم تنعمل ضمن إطار قانوني واضح، وفي لجنة خاصة برئاسة المديرة العامة للوزارة وبتضم خبراء قانونيين وفنيين، وممثلين عن “دار الهندسة”، عم تشتغل على إعداد دفتر شروط جديد لتلزيم المغارة رسمياً بالشراكة مع هيئة الشراء العام.

وختمت الوزارة بتأكيد إنو المتابعة يومية، وكل الخطوات عم تنعمل بطريقة شفافة لضمان إعادة فتح المغارة بشكل مستدام وقانوني.

شوفوا كمان، أضخم 25  مهرجان حول لبنان لصيف 2025