17 من أجمل بيوت الضيافة على البحر بكل لبنان

عم تدوروا ع بيوت ضيافة ساحرة لتقضوا فيها أيام الصيف؟ أو يمكن ناويين تحتفلوا بشهر العسل عالبحر من دون ما تسافروا بعيد؟ تعوا نتعرف سوا ع 17 من أجمل بيوت الضيافة على البحر بكل لبنان.

بيت البحر ، طبرجا

بيت البحر واحد من أكتر بيوت الضيافة رومانسية ومن أجملها على البحر بكل لبنان!

الرقم: 082 777 81

O Fleur de Sel، أنفه

بيت ضيافة ساحر الجمال بأنفه، قريب من الملاّحات ودغري قاعد على البحر. عندو جنينات خاصة وقعدات رومانسية وكمان مسبح خاص فيكن على البحر.

الرقم: 920 365 70

Vila Vita، جونية

هالبيت الضيافة قاعد على ساحل جونية، بيقدم جاكوزي مع تراس خاص على البحر وجو صيفي مميز.

الرقم: 008 554 81

دار ألما، صور

جنب الآثار وشط المباركة بصور، بتلاقوا بيت ضيافة من الأحلام ناطركن ع أحلى قعدة!

الرقم: 082 740 07

Sea Salt، البترون

بيت حجر قديم نايم على البحر بالبترون، بيتميز بإطلالة على غروب الشمس، وغرف مع قناطر وأجواء ساحرة. 

الرقم: 128 333 70

كالينا جوي، حالات

هالبيت الضيافة مخبى عن العالم وعندو إطلالة رومانسية عالبحر. عندن مسبح خاص وبانيو داخل أوضة النوم وسهرة نار تحت النجوم.

الرقم: 233 122 79

The Zita House، فيدار

منظر مفتوح البحر مع infinity pool وجو سحري ع الآخر! من أجمل المطارح لتحضروا غروب الشمس ع شط فيدار.

الرقم: 781 235 70

Casa Del Porto، جبيل

عيشوا رحلة بالزمن بقلب بيت تراثي عمرو سنين، عندو قعدة ع مينا جبيل وجو بيسحركن من أول ما تدخلوا!

الرقم: 055 982 78

بيت إسكندر، أنفه

بيت إسكندر بيت تراثي  نايم على البحر، بتعيشوا أحلى اللحظات بكل وسايل الراحة، عدا عن التراسات المميزة!  

الرقم: 242 709 71 – 183 896 71

باب المينا، جبيل

بيت ضيافة تراثي قاعد مباشرةً ع مينا جبيل، بتسمعوا صوت البحر والصيادين وبتقضوا عطلة روعة.

الرقم: 172 389 03

Blue Marlin، البترون

أجواء استوائية وغجرية ناطركن ببيت ضيافة حلو بالبترون. عدا عن القعدة ع البحر والتراسات المريحة، الديكور بياخد العقل!

الرقم: 468 157 79

El Mayan Cave، حامات

شاليه متل الكهف مع جو يوناني مميز وجاكوزي، عندو قعدة فاخرة ورومانسية مع أحلى منظر للبحر.

الرقم: 444 714 81

Casa de Thoum ، تحوم

بتلاقوا Casa de Thoum بضيعة تحوم وبيتميزوا ببيوت ضيافة بتحسسكن كأنكن بمنتجع. عندن بلكون على البحر، جنينة خضرة، جاكوزي ومسبحكن الخاص. 

الرقم: 386 555 76

Ô Chalet، أنفه

بتلاقوا بهالمطرح مطعم للمأكولات البحرية، قعدات تراس، وبيت ضيافة بأجواء بحرية غير شكل. دغري بتفيقوا الصبحيات وفيكن تنبسطوا برواق البحر على أنفه!

الرقم: 055 982 78

LOONS، كفرعبيدا

من أحلى وأهضم بيوت الضيافة، LOONS رح يفرفح قلبكن! ديكورو الملوّن والجو اللطيف بيخلّو المكان المثالي لترتاح وتنبسط ع منظر بحر البترون الساحر.

الرقم: 096 107 76

E By the Sea، حالات

عيشوا لحظات رومانسية بقلب بانيو مع كاس نبيد ومنظر روعة للبحر!

الرقم: 499 404 70

Marse، أنفه

بيت مرسي بيت أزرق مهضوم مع قعدة بتذكركن ببيت التيتا، وعندو بلكون روعة على البحر!

الرقم: 425 000 70

حبيتوا بيوت الضيافة الأجمل ع البحر بكل لبنان؟ شوفوا كمان، أحلى 55 محل تتفرجوا ع غروب الشمس بكل لبنان