رحلات بحرية بين لبنان وقبرص قريباً، هيك أسعار التذاكر!

وأخيرًا رح تنطلق رحلات بحرية لنقل الركاب بين لبنان و قبرص، مع رحلات أسبوعية بين جونية ولارنكا ابتداءً من 23 تموز. خلونا نخبركن عن الأسعار!

هالخط البحري الجديد عم بتشغّلو شركة خاصة بالتنسيق مع السلطات البحرية اللبنانية، بعد أشهر من التخطيط وأخذ الموافقة من الجمارك والأمن.

أديه بتاخد وقت؟

الرحلة بالبحر بتاخد تقريبًا بين 4 لـ5 ساعات، يعني أبطأ من الطيارة بس أهدى وأحلى يلي بحب يعيش تجربة البحر الأبيض المتوسط

صحيح هالخدمة هلّق بين جونية ولارنكا، بس في حديث عن خطوط جديدة ممكن توصل مرافئ تانية بلبنان متل بيروت وطرابلس بمرافئ قبرص متل ليماسول ولارنكا. مع هيك، بعد ما تأكد أو انطلق شي رسمي بهالموضوع.

إيمتى الرحلات؟

متوقع تكون الرحلات أسبوعية على خط جونية–لارنكا، بس بعد ما نزل الجدول الرسمي.

أديه رح تكلف؟

حضّروا حالكن تدفعوا حوالي 250 دولار للتذكرة الإقتصادية، و350 دولار للـBusiness Class.

في احتمال يضيفوا وجهات تانية متل اليونان وتركيا إذا صار في طلب كتير. بس هلّق التركيز كله على خط قبرص–لبنان.

أرخص من الطيارة؟

من ناحية المصاري، الطيارة و الباخرة تقريبًا نفس الشي. تذاكر الطيران عادة حوالي 350 دولار، الفرق إنو الطيارة بتوصّل بـ30 دقيقة، بينما الباخرة بدها بين 4 و5 ساعات.

وبالنسبة للفيزا؟

إيه، حتى لو رحلتكن بالبحر، اللبنانيين بعدن بحاجة لفيزا ليدخلوا ع قبرص. يعني بدكن تقدّموا ع الفيزا من سفارة قبرص ببيروت.

شوفوا كمان، طيران MEA رح يطلق شركة طيران منخفضة التكلفة؟ هيدا يلي منعرفوا