صار فيك تطلب دغري من Amazon ويوصّلك ع لبنان!
إذا جربتوا تطلبوا من موقع Amazon ع لبنان من قبل، بتعرفوا إنو القصة فيها تعقيدات كتيرة. من مشاكل الدفع للشحن والجمارك، العملية مش دايماً سهلة. Shipped.io بيهدف ليغير هالواقع، وبيقدم حل لبناني بيجيب منتجات أمازون وغير مواقع أمريكية دغري لعند بابكن.
عن Shipped.io
Shipped.io هو منصة لبنانية بتسهّل التسوق من Amazon ومن مواقع عالمية تانية ع لبنان. بتقدروا توصلوا لملايين المنتجات، وبتتكفّل بالشحن، الجمارك، والـVAT، وبتوصل الطلبية دغري لعندكن عالبيت.
ما في شي منحبّو أكتر من لما اللبنانية يجتمعوا ويطلعوا بفكرة بتسهّل حياتنا خاصةً بعالم التسوّق أونلاين.
كيف بيشتغل
التسوّق عبر Shipped.io كتير بسيط:
ع الكومبيوتر، بتنزل إكستنشين (Extension) على Chrome أو Safari، بتتصفّح أمازون متل العادة، وبتكبس على زر“+” لتضيف الأغراض على سلّة المشتريات Shipped.io. لما تخلص، بتعمل Checkout وبتدفع ببطاقة ائتمان، كاش عند التسليم، أو Whish Money. الطلبية بتوصلك خلال 2–3 أسابيع، وكل شي من شحن وجمارك وVAT بيهتموا هني فيه.
عالموبايل، بتنزل تطبيق Shipped.io، بتتصفّح أمازون، بتضيف الأغراض، وبتعمل Checkout. وبعدها، بتنطر 2–3 أسابيع ليوصلوك مشترياتك لعند باب البيت.
ومش بس أمازون…كمان من Walmart، Costco، Sephora!
Shipped.io كمان بتخلّيكن تتسوّقوا من Walmart، Costco، Sephora وغيرهن من البراندات الأميركية، وكلها بتوصلكن دغري لعندكن خلال كم أسبوع.
صحيح ما عندن Extensions لهالمواقع، بس فيكن تبعتولن شو بدكن تشتروا، وهني بيأمّنوه وبيوصلوكن طلبكن خلال 3–4 أسابيع.
هدفن يقدّموا تجربة تسوّق سهلة، توصيل سريع، وخيارات دفع مرنة.
لمزيد من المعلومات، تأكدوا تشوفوا موقعهن الإلكتروني. فيكن تنزلوا تطبيق Shipped.io على iOS وAndroid.
الأكثر قراءة هالشهر
