تراس مطل ع الحمرا وقعدة موديل قديم بهالمطعم!

ميراث بيروت Mirath Beirut صار من العناوين الجديدة بشارع الحمرا النابض بالحياة، وجايي ليقدّم تجربة بتجمع بين الأصالة والابتكار بقلب بيروت.

ميراث بيروت مش مجرد مطعم… هو تجربة متكاملة بتاخدكن برحلة لزمن بيروت الجميل. ديكور المحل مستوحى من الموديل القديم، مع تفاصيل كلاسيكية راقية بتعكس فخامة المكان. من اللوحات الفنية اللي بتزيّن الحيطان، للألوان الدافية، للتريات الفخمة، للبيانو، للساعة العتيقة، وصولًا للبلاط البيروتي الأصيل… كل زاوية فيه بتحكي قصة من تراث المدينة وسحرها الخاص.

هالمطعم اللبناني والعالمي الجديد عرف كيف ياخد الأكلات اللبنانية يلي كلنا منحبها ويعطيها لمسته الخاصة والمميّزة، ليخلق نكهة جديدة بتشدّ الزوّار من أول لقمة. من المنسف الدسم، للسبانخ ع طريقتن، لحمص البيستو المبتكر، لرقاقات الجبنة بالسجق، لأنواع الباستا المتنوّعة، للستيك وغيره كتير، المنيو غنيّ بأطباق بتجمع بين الشرقي والعالمي بطريقة ملفتة.

ومش بس هيك، التراس المميّز المطلّ على شوارع الحمرا بيضيف سحر خاص للتجربة، خاصة لعشّاق الجلسات الرايقة والهوا البيروتي. المكان مثالي للسهرات، الغدا، أو حتى فنجان قهوة ع التراس.

بظل هيدي الظروف الصعبة يلي عم نعيشها بالبلد، عنجد مننبسط لما نشوف محلات جديدة عم تفتح ببيروت ومنحب نضوي عليها. ما تنسوا تابعوا Mirath Beirut ع انستغرام هون للمزيد.

📍 العنوان

جنب Dream Factory – الحمرا، بيروت

⏰ الدوام

بيفتح 24/24 كل الأيام

📞 للتواصل

الرقم: 254 328 71

شوفوا كمان:

أحلى مطعم هالربيع… قعدة جنينة بتنسيكن إنكن بالمدينة!