سوق ورد، جولات بالمشتل، ونشاطات للعيلة بزوق مصبح (الدخول مجاني)
إذا بعدكن عم تدوروا على ضهرة حلوة وربيعية هالويك-اند، Exotica هو المكان اللي لازم تكونوا فيه! عاملين Open Nursery Day لمدة يومين، مليانين طبيعة، ورد، ألوان، ونشاطات حلوة لكل العيلة. من أول ما تفوتوا ع المشتل، رح تحسّوا حالكن بمحل كله راحة، طاقة حلوة، وأجواء بتشبه الحلم.
فيكن تتمشّوا بين الورد والنباتات، تكتشفوا أنواع جديدة، وتعيشوا تجربة غير عن أي مهرجان أو سوق ورد تاني. وكمان في كتير ورشات ونشاطات للكبار والصغار، وفي منها ببلاش!
من تنسيق الورد والبوكيات، لترتيب النباتات الخارجية ونصائح العناية بالحديقة، وصولًا لورشات الزراعة والتلوين للولاد. يعني نهار كامل من التسلية، التعلّم، والإبداع.
وفي جولات كل ساعة داخل المشتل لتتعرفوا أكتر على عالم النباتات مع خبراء Exotica، والمشتل بحد ذاته خيالي من كتر ما هو واسع، متنوع، ومليان تفاصيل حلوة.
وأكيد الأجواء ما بتكمل بلا الأكل الطيب، المشروبات المنعشة، والموسيقى الحلوة يلي رح تزيد النهار حماس.
📍 زوق مصبح – Exotica Nursery
🗓️ 23 و24 أيار
⏰ من الـ10 الصبح للـ6 المسا
🎟️ الدخول مجاني، بس التسجيل ضروري لتحصلوا على تذكرتكن عبر الرابط هون
📱 الرقم: 773 383 79
خدوا أصحابكن، ولادكن، أو حتى تعوا لحالكن… واستمتعوا بيوم بين الطبيعة والورد بزوق مصبح!
