قهوتكن بالمشتل…في واحة خضرا ناطرتكن بأنطلياس!
إذا بعدكن ما سمعتوا بـ Flora Escape، يمكن تكون من أجمل الأماكن المخفية بقلب أنطلياس.
Flora Escape مش بس مشتل، هو مساحة معمولة لحتى تهربوا شوي من عجقة المدينة وتعيشوا تجربة مختلفة وسط الطبيعة. من أول ما تفوتوا، بتحسّوا حالكن بعالم تاني، محاطين بالخضار، الشجر، والهوا النضيف.
جولات، فعاليات، وفنجان قهوة بالمشتل!
أنت وعم تتجول، بتقدر تكتشف زوايا متنوعة بقلب المشتل! متل غابة الصنوبريات، الواحة الاستوائية، القاعة الخضرا، زاوية توسكان، وFloral Escape، وكل مكان إلو رونق وسحر خاص فيه.
وعشان تكون التجربة شاملة، Flora Escape بيوفر فعاليات بتربط الناس بالطبيعة بأسلوب تفاعلي ومسلي. بتبدأ من ورشات الزراعة للصغار والكبار، لجلسات الفن والإبداع اللي بتناسب الكل، وصولاً للحظات هدوء مع فنجان قهوة وسط الشجر والورد.
للولاد حصة خاصة من المعرفة والتسلية عبر ورشات زراعة تفاعلية، بتخليهن يكتشفوا قيمة رعاية النباتات بأسلوب ممتع، مع نبتة بياخدوها معهن عالبيت كهدية بتذكّرن بهالتجربة.
وإذا عندكن مناسبة خاصة وحابين تحتفلوا بطريقة مميزة، Flora Escape بتوفّر أجواء طبيعية ساحرة ومثالية لطلبات الزواج الرومانسية، حفلات الخطوبة، أعياد الميلاد، والتجمعات الخاصة. كل هيدا بصير وسط المساحات الخضرا الواسعة والمناظر الخلابة اللي بتعطي لمسة من الجمال لكل لحظاتكن.
باختصار، Flora Escape هو المكان يلي بيجمع بين الطبيعة، الإبداع، والراحة بموقع واحد. مكان بتجوا عليه لتشربوا قهوة، تتعلموا شي جديد، تحتفلوا بمناسبة مميزة، أو بكل بساطة تاخدوا نفس بعيداً عن عجقة المدينة.
بتلاقوه بمنطقة فوار – أنطلياس. للحجز والاستفسار: 088 276 81. ما تنسوا تابعوهن ع انستغرام هون.
