شو مشاريعنا

مدينة ألعاب مائية بنص البحر، تجربة ما تفوتوها هالصيف!

الأجواء الصيفية ولعانة هالموسم مع Skipper 3al Baher !في مفاجأة كبيرة ناطرتكن على شط حامات – البترون. صار فيكن تستمتعوا ب مدينة مائية عايمة بنص البحر، بالتعاون مع Karya Experience، يلي كل صيف بتقدّم أجمل التجارب والأنشطة المائية.

المدينة المائية عبارة عن مدينة ألعاب متكاملة فيها زحاليط، تسلّق، ترامبولين، وتحديات وألعاب كتير حماسية، لتقضّوا نهار مليان ضحك، لعب، سباحة، وتسلية للصغار والكبار.

ومنعرف كلنا إنو شط البترون مشهور بالميّ الزرقا الصافية، وهلق صار عندكن سبب جديد تزوروه وتعيشوا تجربة صيفية غير شكل مع العيلة والأصحاب، بين السباحة واللعب بنص البحر.

الحلو إنو بيقدموا مأكولات بحرية فريش، مشاوي إستوائية، وبار مشروبات بتنعشكن طول النهار، وقعدات روعة لتتشمسوا ع البحر. هيدا عدا عن النشاطات والرياضات المائية يلي فيكن تنبسطوا فيها عندن.

إذا بدكن تضيفوا شوية حماس لصيفكن، تواصلوا معن ع الرقم: 007 057 03. ما تنسوا تابعوهن ع انستغرام هون.