بلّش موسم الأعراس: أكتر من ١٥ محل لتلاقي فستان السهرة المثالي بلبنان

مطاعم مع قعدة عالنهر

بلّش موسم الأعراس والمناسبات (مع إنّه بلبنان تقريبًا ما في موسم بيخلص)، يعني بلّشت رحلة البحث عن الفستان المثالي. إذا عندِك عرس، خطبة، حفلة أو أي مناسبة مميّزة، أكيد اختيار اللوك المناسب مش دايمًا بكون سهل.

كرمال نسهّل عليكِ، جمعنا مجموعة من المحلات بلبنان يلي فيكِ تشتري أو تستأجري منها فستان سهرة أنيق، من الفساتين الفخمة للخيارات الكلاسيكية والأسعار المناسبة.

نسينا البوتيك المفضل الك؟ خبرينا!

بوتيكات لتشتري منها فستان السهرة

Harrots Boutique

هون رح تلاقي تشكيلة واسعة من الفساتين يلي بتناسب كل الأذواق، من القصّات الكلاسيكية الأنيقة للقطع اللي بتخطف الأنظار.

Jujule Lemonie

ما تنخدعي بقطع الكتّان الصيفية، لأنّ Jujule Lemonie عندها كمان مجموعة فساتين أنيقة مثالية للأعراس، المناسبات الخاصة، والسهرات.

Gaia

موجود بالأشرفية مقابل ABC، Gaia معروف بقصّات الكلاسيكية وتشكيلة واسعة من الفساتين. صحيح إنّ بعض القطع أسعارها مرتفعة شوي، بس عندهن تنزيلات بشكل مستمر، فبيستحق الزيارة.

Nem Official

إذا عم تفتشي على شي فخم ومميّز، Nem Official بتقدّم فساتين سهرة أنيقة بتصاميم ملفتة، مثالية للمناسبات الخاصة.

Dalya

إذا ناوية تستثمري بفستان سهرة فاخر يلفت الأنظار، Dalya عندها تشكيلة كبيرة من التصاميم.

Serbey

إذا بدك فستان أنيق، بسيط، وبسعر معقول، Serbey من المحلات يلي لازم تشوفيها. عندها خيارات شيك بتعمل فرق.

Mavoi

صحيح عندها كتير خيارات casual، بس كمان بتلاقي فيها فساتين مناسبة للسهرات والمناسبات.

Next Lebanon

عم تفتشي على فستان فيكِ تلبسيه بعد موسم الأعراس كمان؟ Next Lebanon عندها تشكيلة كبيرة أونلاين من الفساتين المناسبة للأعراس، العمادات، الغداوات، وغيرا من المناسبات.

بوتيكات لتستأجري منها فستان السهرة

Chariot Boutique

إذا بدك تحسّي حالِك ملكة لليلة وحدة، Chariot Boutique عندها فساتين فخمة وأنيقة بتخلي دخولِك ما يمرق مرور الكرام.

Dress Me Up

بعدِك محتارة أي ستايل بيلبقلك؟ Dress Me Up بتوفّر فساتين للإيجار، مع خدمة ستايلينغ لتساعدِك تلاقي الإطلالة المناسبة.

Ali Noura Dresses

متخصصين بالفساتين المحتشمة الراقية، Ali Noura بتقدّم تصاميم أنيقة مناسبة للأعراس، الجالا، حفلات التخرج، وغيرا من المناسبات الرسمية.

The Hour Dress

ما بدك تشتري فستان تلبسيه مرة وحدة؟ The Hour Dress بتوفّر خيارات للإيجار مع تشكيلة من فساتين السهرة الأنيقة. بس دقّي واحجزي موعد قبل ما تروحي.

Yes To The Dress

من حفلات الخطوبة للأعراس، Yes To The Dress عندها فساتين للإيجار لكل مناسبة مميّزة.

Designer 24

سواء عم تفتشي على فستان كلاسيكي فخم أو ستايل جريء، Designer 24 عندها خيارات بتناسب كل الأذواق.

Dress Avenue LB

مع تشكيلة مختارة بعناية من فساتين السهرة والزفاف، Dress Avenue LB خيار ممتاز إذا عم تفتشي على إطلالة راقية.