11 مطعم مع قعدة جزيرة بقلب لبنان

في مطاعم بلبنان، مش بس بتاكلوا فيها… بتسافروا! مطاعم بجو ساحر، بقلب البحر أو ع الصخر، مخبية تجارب ولا أروع …جمعنالكن 11 مطعم مميز بيعطيكن جو جزيرة وأنتو بقلب لبنان.

1. مطعم الصخرة برج الفيدار، الفيدار

هالمكان المميز هو مطعم موجود فوق صخرة بوسط البحر، بيقدّم ثمار بحرية طازة وأجواء بتعطيكن شعور الهروب لجزيرة صغيرة ومعزولة.

الرقم: 138 681 70

2. Grecco، جبيل

من المطاعم اليونانية القليلة بلبنان يلي بتسحركن من أول مرة! قعدتو ع شط جبيل بتجنّن، بتحسّوا حالكن بجزيرة بعيدة عن كل شي، والغروب من هونيك قصة حب لحالها.

الرقم: 232 213 70

3. Pieds dans L’eau بـ Rocca Island، حامات

روكا مارينا غني عن التعريف، ومن أكتر الوجهات بلبنان يلي بتحسّوا فيها إنكن سافرتوا بلا ما تطلعوا من البلد! فيكن تسبحوا بمسابح وسط البحر ع جزيرة، وتعيشوا أجواء مطعم بقلب المي… تجربة بتبقى بالبال دايماً.

الرقم: 053 005 71

4. Alec.Ô Feniqian Island، البترون

حابين تجربوا غدا بوسط جزيرة فينيقية؟ هالمطرح رح يسحركن بجمالو! موقعو ع صخرة بين الموج وبيربطو جسر صغير بالشط… من القعدة للأكل، كل شي هونيك تجربة استثنائية.

الرقم: 444 340 70

5. تحت الريح، أنفه

بتحسوا حالكن بجزيرة يونانية بس تكونوا بأنفه، فكيف إذا جربتوا أشهر وأطيب مطعم هونيك؟ “تحت الريح” قاعد ع صخرة لحالو بالبحر، بتروحوا لعندو بتدوقوا أطيب لقمة سمك وبتعملوا غطسة بالمي!

الرقم: 117 788 70

6. Sett Deni، عين المريسة بيروت

مطعم على صخرة وسط البحر، بإطلالة بانورامية بتكشف ساحل بيروت كلو. فيكن تتغدّوا مباشرة فوق المي، بقعدة استثنائية بتحيط فيها الأمواج من كل ميلة. المكان لحاله تجربة، والإطلالة بتحكي عن حالها.

الرقم: 677 200 81

7. Kuanos، شكا

شو اللي بيخلي هالمكان مميز؟ مش بس القعدة ع الجزيرة، كمان في مراجيح بنص المي، سباحة مع البط، لقمة طيبة، ومنظر لغروب الشمس فوق الخيال.

الرقم: 754 749 71

8. Cayú the Sea، منصف

قعدة ع الصخور وغدا ع جسر فوق البحر، هالمطعم والشط رح يخليكن تعيشوا أجواء جزيرة استوائية مخباية عن العالم.

الرقم: 896 704 70

9. Chez Rafic، كفرعبيدا

مكان بيحسسكن إنكن بجزيرة خاصة بوسط البترون. غدا فوق الصخور والموج محاوطكن من كل ميلة، مع صيد يومي وأطباق بحرية مرسومة رسم. مشوار رايق، بسيط، وكل تفاصيله بتتنفس بحر.

الرقم: 605 642 06 – 974 007 70

10. Le Pelican، طبرجا

إذا مخططين لنهار بحر بطبرجا، ما تخلّوا الغدا يفوتكن بهالمطعم. بإطلالة ساحرة على البحر المتوسط وقعدة بين الصخور، بتستمتعوا بأكل طيب وأجواء بتخلّي النهار محفور بالذاكرة.

الرقم: 202 220 71

11. Île Beach Bar، البترون

شو قولكن بسهرة ورقص بجو جزيرة وإنتوا بعدكن بلبنان؟ هالمحل بقلب البترون بيقدملكن أجواء خيالية، موسيقى، رقص، وأطيب مشروبات… ليلة فعلاً ما بتنتسى!

الرقم: 776 009 71

خبرونا، أي مطعم مع قعدة جزيرة رح تزوروه حول لبنان؟

شوفوا كمان:

وين تاكل بالبترون؟ أحلى 40+ مطعم بكل البترون هالصيف