أضخم نادي رياضي جايي عالواجهة البحرية ببيروت…تعرفوا أكتر!

المشهد الرياضي ببيروت عم يتطوّر بسرعة، ومعه عم توصل تجارب جديدة بتغيّر مفهوم النادي الرياضي التقليدي. وهالشهر، The Revive Club رح يفتح أبوابه ع الواجهة البحرية – بيروت، ويقدم مساحة بتجمع بين الرياضة، العافية، و التواصل ضمن تجربة متكاملة.

غير إنّه رح يضيف طاقة وحيوية جديدة للمنطقة، The Revive Club عم يقدّم مفهوم مختلف للتمرين و التعافي، بطريقة بتخلّي كل زيارة تجربة بحد ذاتها.

على مساحة تقارب 4,000 متر مربع، The Revive Club هو أكتر من نادي رياضي. كل تفصيل فيه معمول ليخلق بيئة بتساعد المشتركين يحقّقوا أهدافن، و يستمتعوا بنفس الوقت بجو اجتماعي بيشجّع على التواصل. لأن بالنهاية، الرياضة مش بس تمرين… هي كمان تجربة بتجمع الناس ع أهداف مشتركة.

أكتر من نادي رياضي

النادي مجهّز بأحدث معدّات ومرافق التدريب، وبيقدّم مجموعة واسعة من الصفوف لتناسب كل المستويات والاهتمامات، من HIIT وCycling، للـ يوغا وبيلاتس، بالإضافة لحصص متنوعة بالعافية واللياقة.

وبيضم كمان مساحات رياضية متخصّصة، منها ملعب كرة سلة رئيسي، وملعب خارجي مميّز برعاية Red Bull، بالإضافة لغرفة VR مجهّزة بأحدث التقنيات، لتجربة ألعاب رياضية إفتراضية.

ومن أبرز الإضافات بالنادي، أكاديمية كرة السلة يلي انعملت بالتعاون مع نجم كرة السلة اللبناني وأفضل لاعب (MVP)، وائل عرقجي. الأكاديمية بتعطي االمواهب الشابة فرصة يطوّروا مهاراتن، يتمرّنوا ضمن بيئة احترافية، ويبنوا شغفن باللعبة.

وجهة مصمّمة لنمط حياة متكامل

The Revive Club ما بيوقف عند الرياضة.

بعد التمرين، فيك تخصّص وقت للتعافي مع جلسات recovery، عناية بالبشرة، أو مساج بمركز URBNV. وإذا بدّك تسترخي أكتر، فيك تمرق على HUMN، كافيه وبار النادي، لتشرب قهوة أو تاكل لقمة خفيفة.

وكمان، النادي بيضم تجربة تسوق بمحلات متل Muscle Madness وThe Revive Merch Shop، لتلاقي كل شي ممكن تحتاجه لتكمّل أسلوب حياتك الرياضي.

الإشتراك والإمتيازات:

إذا عم تفكّر تشترك، فهيدي يمكن تكون أفضل فرصة.

The Revive Club عم يقدّم لأول 100 مشترك عضوية Founder Member مع مجموعة من الامتيازات الحصرية، منها:

• أسعار اشتراك مميّزة مدى الحياة.
• أولوية بالاشتراك وبحجز الباقات والجلسات.
• منتجات حصرية خاصة بالأعضاء المؤسسين.
• أولوية بالمشاركة بالفعاليات والنشاطات المختارة.

وبما إنو العدد محصور بـ 100 شخص بس، فهيدي فرصتك!

إذا حابب تكون من أوّل المشتركين عند The Revive Club، فيك تزور صفحتن على إنستغرام، أو تعبّي طلب الوصول المبكر للنادي أو لأكاديمية كرة السلة عبر الرابط هون.

شوفوا كمان:

رسمياً، رحلات العبّارة بين بيروت والبترون بتنطلق هالويك-اند!