مهرجان الضاحية: 5 أيام من الأكل والسوق والنشاطات (الدخول مجاني)

لأن اللبنانيين بعدن عم يكفّوا ويوقفوا ع إجريهن رغم كل الظروف، الضاحية الجنوبية لبيروت رح تكون ع موعد مع «مهرجان الضاحية الأبية». المهرجان من الأربعا 2 أيلول لحد الأحد 6 أيلول 2026، بباحة عاشوراء – سان تيريز.

من الساعة 4 العصر للـ10 بالليل، رح يجمع المهرجان أكتر من 130 مشروع ومؤسسة لبنانية. بهدف يعرضوا منتجاتهن، شغلن وأعمالهن الحرفية واليدوية، بوجهة وحدة. والدخول مجاني للكل.

المهرجان من تنظيم «أسواقنا» وجمعية «الشجرة الطيبة»، وهي بتشتغل على دعم الزراعة وتمكين المزارعين، وتسويق المنتجات الزراعية والحرفية. ومن خلال هالمهرجان، الهدف هو دعم الإنتاج المحلي وتسليط الضو على أصحاب المشاريع، المزارعين والحرفيين اللبنانيين.

رح تلاقوا سوق كبير فيه المونة والأكل البلدي، المنتجات المحلية، الحرف والأشغال اليدوية! يعني في كتير شغلات بتستاهل تكتشفوها وتاخدوها معكن عالبيت.

وإذا مفكرين إنو المهرجان بس للتسوّق، لأ! رح يكون في كمان كيوسكات أكل ووجبات سريعة، كمان فعاليات وألعاب مخصصة للولاد، لتكون الأجواء مناسبة للعيلة كلها.

«مهرجان الضاحية الأبية» هو فرصة لتدعموا مشاريع لبنانية محلية، تتعرّفوا على منتجات وأعمال من صنع لبناني، وتشوفوا كيف بعد في ناس عم تشتغل وتنتج وتكفّي رغم كل التحديات.

📍 باحة عاشوراء – سان تيريز، الضاحية الجنوبية لبيروت
📅 من الأربعاء 2 أيلول لحد الأحد 6 أيلول 2026
⏰ من 4 العصر للـ10 بالليل
🎟️ الدخول مجاني

شوفوا كمان:

لكل محبّي اللبن اليوناني، هيدا المحل الجديد ببيروت إلكن