ودعوا الصيف مع بيت الشمس والقمر بأنفه!

إذا عبالكن تودّعوا الصيف، لقينالكن المحل المثالي. House of Sun and Moon بأنفه هو واحد من أحلى بيوت الضيافة الملونة بلبنان. المكان بيحتفل بالفن بكل تفاصيله، من خلال الرسومات الجدارية اللي رسمها الفنان اللبناني عمر غريغ بإيده.

بدكن تلحقوا كم نهار صيف قبل ما يبلّش الطقس يبرد؟ هيدا المكان بيعطيكن كل الأجواء اللي بدكن ياها: شمس، سهرات وونسة، مسبح، وقعدة حلوة بعيد عن العجقة.

من أكتر الزوايا اللي حبّيناها هونيك تراس المسبح، اللي بيجنّن لقعدة هادية تحت الشمس، غطسة منعشة، أو حتى لتمضية آخر أيام الصيف عالرواق.

ومن جوّا، الألوان عاطية شخصية حلوة للمكان. الحيطان بلون الخوخي ومزيّنة برسومات يدوية فيها عصافير، نباتات، أشكال ملوّنة ولمسات من الأحمر والأصفر.

وبنفس الوقت، المفروشات الخشبية الدافية، القعدات المريحة والإضاءة بطابع قديم بيعطوا المكان جو كوزي وبيتي، بينما الألوان والرسومات بيخلّوا كل زاوية فيه إلها طابعها الخاص.

والأحلى؟ خلال شهر أيلول، فيكن تستفيدوا من عرض حلو: إذا حجزتوا ليلتين، الليلة التانية بتكون بنص السعر.

فيك تحجز House of Sun and Moon عبر Airbnb أو تتواصل معن ع Instagram.

شوفوا كمان:

شاب لبناني عم يعمّر لأمّه شاليه أحلامها بلبنان