معرض للجمال، ماركات مميزة، وفعاليات حلوة بسنترو مول هالويك إند (الدخول مجاني)

إذا بتحبّوا المكياج، العناية بالبشرة، العطور وكل شي إلو علاقة بالجمال، حضّروا حالكن لـ3 أيام مليانين اكتشافات وتجارب جديدة! معرض Centro Beauty Exhibition راجع بنسخته التانية على سنترو مول، من 23 لـ25 تشرين الأول. الحدث رح يجمع كل شي بتحبّوه بعالم الجمال والعناية بالبشرة بمحل واحد هالويك-اند.

شو ناطركن ب Centro Beauty Exhibition

المعرض رح يضم مجموعة واسعة من العلامات التجارية والمنتجات. كل شي من المكياج ومستحضرات العناية بالبشرة، للعطور ومنتجات الشعر والأظافر، وغيرها من المنتجات والتجارب الجمالية. 

هيدي فرصتكن تجرّبوا أشيا جديدة، تتعرّفوا على ماركات مختلفة، وتكتشفوا منتجات يمكن تصير من المفضّلة عندكن. وكمان، رح يكون في أنشطة وفعاليات بتضيف جوّ حلو على زيارتكن وبتخلّي هالتجربة أحلى!

وبما إنّ المعرض عم ينعمل خلال شهر التوعية بسرطان الثدي، فهو كمان بيحمل رسالة دعم للنساء، لأنو رح يروح جزء من الأرباح لجمعيات معنيّة بسرطان الثدي. يعني مش بس اكتشاف كل جديد بعالم الجمال، فيكن كمان تساهموا بدعم قضية إنسانية مهمة بتعني كتير لنساء وعيل بلبنان.

شو لازم تعرفوا قبل ما تروحوا؟

الافتتاح الرسمي، رح يكون نهار الجمعة 23 تشرين الأول، الساعة 5:30 المسا، مع مجموعة من الأنشطة والفعاليات.

رح تلاقوا المعرض على الطابق الأرضي (GF Level) بـ Centro Mall – الجناح، من الجمعة 23 تشرين الأول للأحد 25 تشرين الأول، يومياً من الساعة 1 بعد الضهر للـ9 المسا.

والأحلى إنّ الدخول مجاني، بس لازم يكون معكن بطاقة Centro من فئة Silver أو Blue أو Rouge.

وإذا بعد ما عندكن بطاقة، فيكن تبعتوا كلمة CENTROBEAUTY2026 عبر واتساب على الرقم 444 092 03 لتحصلوا على بطاقتكن مجاناً وتضمنوا دخولكن.

📅 من 23 لـ25 تشرين الأول 2026
📍 Centro Mall – الجناح، الطابق الأرضي
🕐 يومياً من 1 بعد الضهر للـ9 المسا
🎟️ الدخول مجاني لحاملي بطاقات Centro

صار عندكن فكرة عن شو ناطركن، وهلّق ضلّ بس تجمعوا العيلة أو الرفقة وتروحوا ع سنترو مول بالويك-اند!

شوفوا كمان:

ماركة Antati الشهيرة رح تفتح فرعين جداد بلبنان