١٧ نوع رجال معقول تصاحبوهن بلبنان

ما تخافوا بكرا رح ننشر ليستا عن أنواع النسوان يلي بتصاحبوهن. خليكن متابعين.

١. يلي شايف حاله ومش مصدق

هيدا بكون مفكر حاله أجمل شب بالعالم، امه بتكون حاشيتله راسو إنو هو بيستاهل أميرة. وهو بكون بيشبه الضفدع بس عيونو زرق.

٢. يلي بس بهمه يرضي امه

"بعرف إنو ليوم عيد ميلادك وكان بدك تضهري بس لازم نطلع عند امي نسهر معها لأن زهقاني.

٣. الكحتي

بضل عم يحسب – كل مينو بحلله ليشوف شو أرخص شي، وأكيد بيتزمر كل ما بتجي الفاتورة. واكبر كابوس عنده هو إنو يعطي السيارة valet.

٤. يلي بس بده حدا ينضف ورا

بيسأل كل الأسئلة ليتأكد إنو حدا رح يطبخ وينضف ورا – "أنا ما بتعب بشغلي لأطلب ديليفري أخر النهار"

٥. يلي عايش برا بس بعدا عقليته ما تغيرت

"بدي مرا تربي ولاد وتكون ست بيت، الأجانب مجانين."

٦. يلي بس بدو ينق فوق راس حدا

بدق وببلش يتذمر عن أهله والشغل والحياة والمصاري وبس إنت تجربي تحكي عن شي زاعجك بقلك بسيطة في ناس عم تموت.

٧. يلي بضل مأزمه معه

مش حامله راسه وكل مشروع بفوت في بتفلس الشركة أو بينحبس المستثمر أو ما بيعطوا رخصة إلخ. المهم ما بيمشي معه شي وكل مشروع بقول إنو هيدا المشروع بدو يمليين من ورا.

٨. يلي مفكر حالو زعيم مافيا

٣ تليفونات ودايماً في غموض. بيبعت تعليمات إنو "الغرض يلي طلبته صار عندي" وبتحس انك مع رئيس مخابرات، بالآخر بيطلع عم يحكي امه عن كلو بندورة يلي جبلا يها

٩. يلي عايش على حساب أهله

ما عنده حس مسؤولية، حتى خط تليفونه بيدفع حقه الوالد

١٠. يلي ببيع حكي

بيبعت ل-٨ بنات عل واتساب: "بحياتي ما حاسس هيك قبل"

١١. يلي أول نهار بيتعرف وتاني نهار بيسفقك "بحبك"

فهمان الرومانس غلط.

١٢. يلي بدو يسهر ويشرب ويصاحب بس صاحبته ممنوع تضهر

"أنا ممنوع صاحبتي تسهر" بس هو سمالله ما ترك شي من شره.

١٣. المشكلجي

كل طلعة معه بالسيارة في مشكل وصريخ. هيدا غير المشاكل يلي بيعلقها بالمطعم والقهاوي.

١٤. يلي بسكر خطه

إنو هوي غامض وبده يعلقك.

١٥. يلي بكون طفران وبجرب يتدين مصاري

"البنك بسويسرا ما بيفتح ليوم فيكي تعيرعيني شي $٥٠٠ مشي حالي فيهن؟"

١٦. الكئيب

القعده معه فيها حكي عن قديش في ظلم بالحياة وعن معنى الحياة وأكيد في دخان دراما.

١٧. الآدمي

قلال بس موجودين!