رسالة بتحرق القلب من والدة رالف ملاحي إلى ابنها الراحل

من بعد ما شب الحريق الهائل بمرفأ بيروت مبارح، نشرت والدة رالف ملاحي صورة بتحرق القلب لابنها الراحل مع تعليق “احمي رفقاتك يا ماما”.

كان رالف من بين الإطفائيين العشرة يلي تم إرسالهن لإخماد الحريق الأول نهار ٤ آب، يلي بعدين قُتلوا بالانفجار. ما تم إبلاغ رالف وزملاؤه عن نترات الأمونيوم المخزنة بمكان الحريق وما كان عندهن أي فكرة عن شو ناطرهن. فعلياً، تم إرسال هالأبطال لمماتهن من قبل مسؤولين ما فارقه معهن حدا.

بعد حوالي ٤٠ يوم من الانفجار، اندلع حريق هائل آخر في الميناء في مستودع بيحتوي على زيت وإطارات، بحسب الجيش اللبناني. ومرة تانية، تم إرسال فرق الإطفاء والدفاع المدني لإخماد الحرائق دون تقييم واضح للمخاطر المحتملة.

الله يرحكم كل الأبطال.