قصص بتذكرك بحفلة عيد الإستقلال بالمدرسة

بتتذكروا حفلة عيد الإستقلال؟ أحلى شي بهيدا النهار إنو ما كان في درس وصفوف.

١. بيطلعلك منقوشة ببلاش بالمدرسة.

٢. بتعمل مع المعلمة علم لبنان من ورق وبتحطوا على راسكن.

٣. بتحفظ النشيد الوطني عن غايب وبيعلق براسك على شي جمعة.

٤. بتلبسوا كلكن بالصف أحمر وأبيض وأخضر.

٥. بيعملولك محاضرة إنو لبنان أجمل بلد بالعالم وإنو فيو 4 فصول والجبل قريب على البحر.

٦. بخبروك عن وديع الصافي وفيروز وصباح ونصري شمس الدين.

٧. بحضروك مسرحيات الرحابنة.

٨. بتصير تحس إنو لبنان أهم بلد بالعالم.

٩. بتصير تعرف معنى ألوان العلم.

١٠. بتشارك بمسرحية الإستقلال مع معلمة العربي.

١١. بتعملوا دبكة بالصف لأول مرة.

١٢. بتسمع راجع يتعمر لبنان فوق ال20.

١٣. كل إستاذ بيجي بدو يخبرك عن لبنان ويتفلسف على طريقتو: لبنان أحلى بلد بالعالم وعلى طول في بس بآخر الجملة.

١٤. بتحس لبنان كتير مهم لأول مرة بحياتك.

١٥. بترجع على البيت راسمينلك علم لبنان على وجك وإمك بتعصب: فوت غسل وجك هلق.

١٦. بيعطوك علم لبنان وعلم للجيش من نايلون.

١٧. بوقفوا كل التلاميذ بالشمس شي أربع ساعات عم بخروهن عن لبنان وإنجازات لبنان: بس معلي، كل شي بيقطع قدام ساعات العربي والمات.

١٨. كان نهارك المفضل بالسنة لأن ما في درس.

١٩. بيخلص الإحتفال على طول بعرض عسكري من المغاوير وبصير الكل مدهوش وبصيروا الصبيان بدن يعملو ضابط بس يكبروا.

٢٠. بصيروا فجقة المعلمات مهضومين وعم ينكتوا معكن.

رزق الله على هل إيام!