من بعد ضجة عالمية، وصل هيدا المحل على لبنان

جبنالكن خبر كتير حلو لكل محبي التشيز كيك، وأخيراً وصل محل الحلويات العالمي Uncle Fluffy على لبنان! صار فيكن تجربوا التشيزكيك الياباني بفرع المحل الجديد بالABC – فردان. من ساعة ما فتح أبوابه والعالم عجقت لتدوق الكيك اللي إنشهر فيه خاصة على التيك توك.

بقدم المحل التشيزكيك على الطريقة اليابانية، مشهورة بشكلها القطني الناعم وتركيبتها الإسفنجية والطرية. من بعد ما تطلع طازة وذهبية من الفرن، بيضيف المحل لمسته الخاصة وبيغمرها بأي شراب من إختياركن. الكيك مخبوزة على الأصول، طعمها بشهي، وخفيفة على المعدة!

بالنسبة للأسعار، حالياً بتلاقوا التشيزكيك اليابانية بالحجم العادي ب ١٧٠،٠٠٠ ل.ل. وبتدفعوا ٢٠،٠٠ ل.ل. زيادة على أي إضافات شهية من إختياركن، من شوكولا النوتيلا لشراب الفريز والبلوبيري وحتى صوص الكاراميل الطيب.

مشوار Uncle Fluffy بلش بمحل مهضوم بمنطقة دبي بال ٢٠١٧، وبسبب الضجة العالمية لي عملها على السوشيال ميديا وصل لأكتر من ١٤٠ فرع حول العالم، وأخيراً صار عنا بلبنان.

ما تنسوا تابعوا معنا كيف كانت تجربتنا لايف بالمحل قريباً على حسابتنا على الإنستغرام والتيك توك.

شوفوا كمان: بوظة سيريلاك: أطيب طريقة لنسترجع فيها أيام الطفولة من هيدا المحل