وين فيكن تاكلوا بالضاحية؟ شوفوا معنا هل-٨ مطاعم لأكل طيب

ضربكن الجوع بنص الضاحية ومش عارفين وين تاكلوا؟ مشوا معنا على 8 مطاعم متنوعة بهل المنطقة ضروري تجربوهن.

1- Magnifico Food Truck

إذا انتو من محبي الفرانسيسكو والفاهيتا وشرايح اللحمة، لازم تجربو هالمحل، عندو أطيب الزنجر برغر ببيروت وبيضل فاتح لنص الليل.

للمزيد من المعلومات، اتصلوا على 048 035 76

2- مطعم فول بيتوتي

دوقوا أطيب صحن فول من عند فول بيتوتي، عندو أطباق متنوعة من الفول المدمس والحمص والفتة والسجق، والسرفيس كتير كريم ومرتب.

للمزيد من المعلومات، فيكن تتصلوا على 740 474 71

3- مطعم كومانشي

كومانشي بقدم برغر دسم ومحرز، معروف إنو بحط شرايح لحمة وقطع دجاج كبيرة بالبرغر، خبزتو طيبة وعندو صوص غير شكل.

للمزيد من المعلومات، اتصلوا على 992 554 01

4- فود باي

إذا عبالكن بطاطا مقلية مقرمشة وكمان بتحبوا الدجاج المقلي، فود باي عندو جوانح مغطسين بالصوص بيشهوا على الآخر.

للمزيد من المعلومات، اتصلوا على 520 207 70 – 087 827 81

5- كرواسون الضحى

مشهور كرواسون الضحى بمعجناته الشهية، عندو مختلف أنواع الكرواسون من كرواسون الشوكولاتة المحشية بالنوتيلا، أو اختراعن اللبناني الكرواسون بالشاورما!

للمزيد من المعلومات، اتصلوا على 335 750 81 – 423 830 76 – 926 808 76

6- مطعم الآغا

مطعم الآغا كتير معروف بأكلو الطيب والعالم بتضلها عندو، بقدم أكل لبناني غير شكل وسفرتو كتير غنية، ضروري تجربوا من عندو الكفتا مع الكبيس والصوص وأكيد الشاورما بحال ما دقتوها، وإذا بعدك ضايعين شوي شو تطلبوا، شوفوا أطباق لازم تجربوها من عندو بالمقال هون.

للمزيد من المعلومات، اتصلوا على 179 279 01

7- فود فاكسين

لكل محبي أكل الشارع اللبناني، محل فود فاكسين فتح فرع بالضاحية وبيقدم كعك كتير طيب مع الجبنة والبسطرمة واللحمة وحتى البيتزا، بتلاقوا عندو كعكة طرابلسية كمان بتاخد العقل، وحتى هوت دوغ غير شكل.

للمزيد من المعلومات، اتصلوا على 148 759 76 – 569 314 76

.

.

8- مطعم الجواد

بدكن مشاوي على المزبوط بالضاحية؟ ميلوا عند الجواد أكلاتو روعة بالتقديم والطعمة والكرم، وكمان عندو أطباق بالدجاج مافيكن تروحوها عليكن قد ما طيبين.

للمزيد من المعلومات، اتصلوا على 400 037 76 – 400 912 76 – 542 427 81

شوفوا كمان، ٦ محلات فيكن تطلبوا منن ساندويشات كفتا غير شكل.