أجمل مشوار… تجربة غريبة ومشوقة من قلب البترون!
عبالكن تعيشوا تجربة جديدة وغريبة من نوعها بلبنان؟
لاء هل مرة ما رح نحكيلكن عن بيوت ضيافة أو مطاعم أو محلات للولاد، هل مرة رح نعرفكن على محل غير كلياً. ضبوا غراضكن وطلعوا بالسيارة وعملوا مشوار معنا على ضيعة آسيا بالبترون.
شو في هونيك؟ ناطرتكن تجربة أكيد بحياتكن كلا ما عشتوها. رح تسافروا بالزمن على إيام الماضي الجميل وتختبروا طريقة حياة جدودنا.
خلونا نعرفكن على فخار حنا – بيتميز هل محل بجرود البترون بموقعو الجذاب! الطقس كتير حلو وأجمل شي ألوان الطبيعة والبرودات الحلوين لي ما بتلاقوهن ببيروت.
بتجوا بتتعرفوا على هل atelier المخبى، لي هوي عبارة عن مكنز الفخار بلبنان، عندو كل أنواع الفخار اللبناني الأصيل.
شو رح فيكن تعملوا بهل محل؟ أول شي رح تشوفوا كيف بينشغل الفخار على الإيد بكل حرفية، رح ترجعوا تاكلوا أكلاتكن المفضلة بالفخار بمحل كتير حلو وجبلي وبرود على الآخر. بس تخلصوا إذا حبيتوا فيكن تشتروا القطعة لي بتعجبكن وتاخدوها على بيتكن أو تهدوها لحدا بتحبوا.
وبهيدا المحل ما فيكن ما تحسوا حالكن ببيتكن من الترحيب للديكور للنضافة والتعامل الدافي.
بتقعدوا بالجنينة، بتتأملوا الجمال وبتعيشوا جو هادي بخليكن تشعروا براحة عميقة. ما في ولا صوت تاني بالمنطقة، كتير رواق مع منظر كتير حلو، الطاولة مليانة بألوان الأكل اللبناني وبتشهي، وطعمتها متل شكلها.
رح تكتشفوا إنو الأكل أطيب كتير بالفخار لأن بيحفظ الحرارة والبرودة بشكل طبيعي وبطعم الأكل لتستمتعوا بكل لقمة.
أما القهوة بالفخار…قصة من الخيال!
إذا عبالكن تعيشوا هل تجربة الحلوة ما إلكن غير تتصلوا فيهن وتحجزوا على هل رقم: 335 835 76
شوفوا كمان، هل مطعم الجديد لي فتح بنص سوق جونية.
