نومة بنص الغابة: مخيم ساحر على النهر جاهز يستقبلكن

مين بحب النومة بالطببعة؟ بتعرفوا هيدا أحلى طقس للتخييم لأن بعدو الطقس مقبول وما في كتير شوب وما في برد ولي بعد ما جرب هل إختبار بلبنان ما يتردد.

رح نعرفكن اليوم على جنتي محل تخييم كتير مهضوم بضيعة قرطبا بيتميز بقعدة على النهر.

جنتي عبارة عن مخيم بقلب الطبيعة الساحرة بين الخضار والمي النقية، معلقة في مرجوحة بتستلقوا عليها وبترتاحوا من هموم الحياة.

هونيك ناطركن قعدة بتشبه الجنة على الأرض، رح تحسوا حالكن قاعدين بالنهر.

تجربة فخمة مع مسبح خاص، مطبخ مجهز وحمام بقلب الطبيعة وخيم بتساع من 2 ل8 أشخاص. الأحلى من هيك بتمشوا شوي وبتوصلوا على النهر، فيكن تغطسوا إجريكن أو تشربوا مي مجلدة وتتسمعوا على صوت المي الجارية… قعدة بتريح النفسية.

قضوا نهاركن حد البيسين أو بالخيمة الفخمة عم ترخوها وتستمتعوا بأطيب ترويقة أو فنجان قهوة على وج الضو.

ما في أجمل من شعور القعدة ببيسين بقلب الطبيعة والهوا عم بنسم إنتو وعم تشوفوا منظر الجبال قدامكن.

تمتعوا بهل فيو عالفيقة، وأجمل غروب شمس بعد الظهر، شي برد الروح!

الحلو بالخيم إنن كبار وشرحين مع فرش، ما بتحسوا حالكن نايمين على الأرض أو مزروكين يعني النومة سوبر مريحة.

الأسعار ببتبلش ب60$ على الليلة على الخيم مع مسبح خاص للشخصين ل4 أشخاص وبتوصل ل140$ على الخيم لي بتساع حوالي 8 أشخاص.

لتعرفوا أكتر عن هل محل اتصلوا على 399 477 81

شوفوا كمان، من أجمل الأماكن لتوديع العزوبية بلبنان.