من وحي فيلم باربي: برغر زهر لأول مرة بلبنان!

صح تأخرنا بلبنان لنعرض فيلم باربي بس من وقت ما نزل على صالات السينما وهوي كاسح الدني. وحزروا شو؟ في محل بالكسليك قرر يعمل برغر زهر من وحي المناسبة.

إي صح متل ما عم بتسمعوا صار في برغر لونو زهر بلبنان وهاي أول مرة بتصير!

@beirut.com COME ON BARBIE LETS GO PARTY 💕💓🌸🌺🎀💄👚👛🩷🎟️ #barbie #barbiemovie #cinema #movies #lebanon #beirut #lebanesetiktok #margotrobbie ♬ original sound – Beirut.com

شو أولكن في هل برغر ووين بتلاقوا؟ المحل لي عم يعمل هل اختراع المهضوم إسمو هانغر بانكر Hunger Bunker ومعروف بالبرغر لي بيعملن!

محل ما فيكن تقاوموا: إذا بعد ما جربتوا هيدا المطعم بالكسليك، يعني ما فيكن تعطوا رأيكن عن أطيب مطاعم للبرغر. هيك لازم يكون البرغر جوينت. دايمًا محمسين ليعملو أطيب اختراعات بالبرغر ومن ضمن هل اختراعات: برغر على زهر من وحي فيلم باربي.

عبارة عن برغر ع لحمة كبير وفخم ملغوم بجبنة الموزاريلا المقلية، ومحشي بطاطا مقلية ومغطى بصوص وردية.

وأحلى شي إنو فريق هانغر بانكر محضرلكن مفاجأة حلوة كتير: إذا بعد ما حضرتوا الفيلم وعبالكن كتير تحضروا، عملوا تاغ لأصحابكن بالconments تحت الpost عندن لتربحوا تيكت ببلاش على الفيلم وإذا ما ربحتوا تيكت ببلاش مجرد ما تعملوا لايك على الpost رح .بيطلعلكن 10% خسم على طلبيتكن من عند هانغر بانكر

هل عرض ساري لحديت 22 أيلول، شو ناطرين؟

شوفوا كمان، أطيب ه محلات بريوش ع شوكولا بلبنان!