أطيب ه محلات بريوش ع شوكولا بلبنان!

عبالكن تغطسوا بعالم كلو عجين وشوكولا؟ رح نعرفكن على ٥ محلات متخصصين بالبريوش وبيعملوا قصص كتير كتير طيبة بتاكلو صابيعكن وراها.

١. سوردوغ Sourdough Artisan Bakery، برمانا

بيعمل حلو فرنسي وكتير قصص طيبة وأفخم شي عندو البريوش ع شوكولا وعلى غير طعمات المحضرين بطريقة صحية وشهية. ريحة الخبز رح بتفتحلكن نفسكن والبريوش سخنة طالعة من الفرن، مقرمشة وناعمة لإلكن بس.

الرقم: 223 961 24

٢. باتيسري كليمان Clément Lebanon، زحلة

بيعمل كل شي مخبوزات فرنسية وحلويات وبحضر كل شي من الكروسان التقليدي، التارت، الكيكات وأطيب باغيت وإيكلير. وأكيد بيتفنن بالبريوش عطريقتو الخاصة، شغل إيد وخاليين من المواد الحافظة وبيستعمل أجود أنواع الشوكولا.

الرقم: 210 743 70
(مع دليفيري ع بيروت)

٣. نوناس غوديز Nounas Goodies

بيعملوا حلو كتير طيب وفيو كتير شوكولا من جوا ومن برا. فيكن تطلبوا من عندن الكيكات المتنوعة، والكوكيز. بس كمان بيتفننو كتير بالبريوش، بيعملوا كيكات بريوش على كذا شكل وطعمة مع شوكولا وبلا شوكولا مع زينة وصوص شي بشهي.

للدليفيري: 996 175 70

٤. فرن كوكو، البترون

هالفرن صرلو أكتر من 60 سنة عم بقدم أشهى المخبوزات، وانشهر أكتر شي بالبريوش الطري، السخن، وأكيد الطازة من الفرن دغري! فيكن تختاروا بين البريوش السادة، والبريوش على شوكولا. ما بتكفيكن بريوش وحدة؟ جربوا صحن بريوش مع بوظة وفريز!

الرقم: 314 430 03

٥. فرن الرحباني، البترون

ويلي بموت بالعجين، خلطة الطعمات هون رح تحسسكن كأنّكن بحلم. دوقوا الطعمات الروعة لي مخترعينا متل: السفيحة، المنقوشة الخضرا، الزعتر رولز، السفوف والحلويات بالعجين. من إختصاصن البريوش وبيحشوها بالطعمة لي عبالكن.

الرقم: 829 877 70

في أطيب من عجينة محشية شوكولا مع فنجان قهوة!

شوفوا كمان، 3 محلات تجربوا فيها الكروسان ع شوكولا ببيروت.