لقينالكن أطيب ٤ مطاعم بأعالي فالوغا

وين عبالكن المشوار اليوم؟ خلونا ناخدكن على ضيعة فالوغا، المشهورة بغناها البيئي وبحيراتها الطبيعية ومناظرها الخيالية من فوق الغيوم. وأكيد ما بيكمل المشوار الحلو من دون اللقمة الطيبة، كرمال هيك لقينالكن أطيب ٤ مطاعم بأعالي فالوغا.

1. مطعم أبو علي

لقمة أبو علي ما في متلها بفالوغا! واحد من أطيب مطاعم فالوغا، مطعم محبوب وكل محبي الأكل اللبناني والسفرة الكريمة بميّل لعندو. عندو ترويقة على الأصول من فول وحمص وصاج، غدا مشاوي، وجمعة على العشا غير شكل!

الرقم: 274 827 71

2. مطعم وأوتيل رامي

إذا عبالكن قعدة على التراس على ريحة الصنوبر وشجر الأرز، مطعم وأوتيل رامي بيستقبلكن على قعدة حلوة بالطبيعة. مطعم مميز للعيلة والجمعات الكبيرة، بيقدم لقمة لبنانية غير شكل وسفرة كريمة، والحلو انو في أوتيل إذا عبالكن تقضوا كم يوم بضيعة فالوغا.

الرقم: 937 215 03

3. مطعم ميّاسا

مطعم مياّسا ناطركن بين شوارع الضيعة، وعندو جو تراثي وقديم كتير حلو. بيقدم أطيب طبخ لبناني، معجنات طازة، ومأكولات عالمية بتعجب الكل! مطعم مميز تجربوا انتو وعم تتمشوا بين أسواق الضيعة وأحيائها القديمة!

الرقم: 751 847 71 – 605 850 78

4. مطعم الوسيم

مطعم وسيم بيستقبلكن على قعدة تراثية بترجعكن على جو الضيعة. بتجربوا عندو غدا بيشهي، عندو مشاوي لحمة ودجاج، أكل عالمي طيب، صاج، وسلطات على أنواعها.

الرقم: 200 116 71

شوفوا كمان، ٦ مطارح خيالية بأعالي جبل صافي بالجنوب