وين بتلاقوا ورشات فنية ببيروت؟

عندكن طاقة إبداعية وروح فنية ومش عارفين وين تعبروا؟ أو بتحبوا الفن وعبالكن تتعلموا أكتر؟ أو عندكن ولاد وهدفكن انن يكتسبوا مهارات مميزة؟  خلونا نخبركن عن ٥ مطارح ومساحات فنية بتلاقوا فيها ورشات فنية ببيروت. 

1.Vernice Creative Cafe – قريطم، فردان

فرنيتشي كافيه مميز لتستمتعوا بوقتكن مع فرشاية الرسم واللقمة الطيبة! بيقدّم هالمطرح ورش فنية متل موزاييك الألوان المائية، نشاط الرسم بعدها التلوين، لوحات prismatic، نشاط ال 3 colors، ال doodling، وتنقيط الألوان، وغيرها مع أطباق وسناكات شهية. وأحلى شي إنكن بتقدروا تختاروا الورشة يلّي بدكن ياها، وتحددوا الوقت واليوم يلّي بتفضلو. 

الرقم: 455 599 71 

2. Creativenass، بدارو

هالمساحة الفنية ببدارو بتقدم ورشات فنية وإبداعية بتناسب الزغار والكبار! بتلاقوا ورشات حلوة متل النحت والموزاييك والتلوين وال macrame وكتير قصص مميزة.

الرقم: 554 656 76

3. Des Ateliers d’Art، الأشرفية

مدرسة فن خاصة بمنطقة تباريز بالأشرفية، بتقدم لولادكن كل الدروس الأساسية كرمال يكتسبوا مختلف المهارات الفنية والإبداعية.

4.Espace Fann، عين المريسة 

مساحة إبداعية لكل المصممين، الفنانيين، ومحبي الفن عموماً. عندن ورشات فنية بتساعدكن تتعلموا الحرفية بمختلف المجالات، الموضة، الإكسسوارات، الأشغال اليدوية، الرسم، وغيرها.

الرقم: 057 949 70

5. Naive by Emne، بدارو

كافيه زغير ولطيف ببدارر بيقدملكن ورشات فنية ببيروت ممتعة خصوصي مع أصحابكن، أو انتو وولادكن. 

عندن جو حلو لتعبروا عن حالكن بمختلف الطرق الفنية والأشغال اليدوية.

شوفوا كمان، بتحبوا الفن؟ شوفوا هل-٤ كافيهات اللطيفة ببيروت