ه مطاعم بتعمل أطيب أكلة عصافير بلبنان!

محبي العصافير ودبس الرمان، ضروري تجربوا هالمحلات يلي فوق الخيال وتعطونا رأيكن.

١. فتايل وردة، الضاحية

هالمحل المهضوم بيعمل أطيب سندويش عصافير مع دبس الرمان ورشة حامض وكبيس محمصة منيح على النار. وعندن كمان قصص بتشهي متل سندويش الورق عنب وأكيد ما لازم تروحوا عليكن صحن الفتايل مع الدقوس لي هيي إختصاص المحل.

الرقم: 666 758 71

٢. مر عصفور Mr 3asfour، بضبيه

بحضرلكن أطيب سندويش عصفور تيان مسقسق بدهناتو مع صوص مميزة! عندو أكلة العصافير مقلية أو مشوية حسب رغبتكن، بالعروس أو بالصحن وبتدعموها ع قد ما بدكن.

الرقم: 700 973 78

٣. ديوان الرومي، حدث الجبة

مطعم تراثي جبلي بقدم أطيب الأطباق التقليدية متل المقانق، شوربة العدس والورق عنب وأصناف المازة البيتوتية حد النار مع كاس نبيد. بس العصافير عندن غير قصة، بيتقدموا بالفخارة شي فاخر عالآخر.

الرقم: 498 984 78

٤. مطعم السلطان، عاليه

هالمحل مشهور بأكلة العصافير يلي مقلاية منيح مع رشة ورا رشة دبس الرمان، ولا أطيب مع صحن بطاطا مقلية متل البيت ع جنب وبيض ع قاورما ليلي بدو يغنج حالو منيح… أكيد قلبكن ما رح يتحمل هالمنظر.

الرقم: 525 598 03

٥. المختار، جنسنايا

مطعم لبناني متخصص بالمأكولات اللبنانية البسيطة متل المازة الشهية وطبعاً ما بدنا ننسى المشاوي على الفحم والكبة بالجرن وأكيد أكلة العصافير الموسمية لي بتجي مع تتبيلة حامضة وشهية، بس تدوقوا بتعلقوا.

الرقم: 012 230 07

شوفوا كمان، ٩ محلات لأطيب فروج بروستد بلبنان.