لقينا أطيب سفرة سمك بالجنوب عند هالمطعم!

وين بتلاقوا أطيب لقمة سمك بالجنوب كلو؟ اليوم مشوارنا كان على صيدا، وصيدا كتير معروفة بأسواق السمك والمأكولات البحرية الطازة. وأكيد، مين ما تسألوا هونيك عن لقمة سمك منيحة وطيبة، رح يدلكن على مطعم سموكة، وهو أفضل وأطيب مطعم سمك بالمنطقة كلها!

أطيب سفرة سمك بالجنوب عند سموكة!

مطعم سموكة صرلو من ٢٠١٠ فاتح بمنطقة الهلالية بصيدا، ويعتبر من أطيب المطاعم اللي المختصة بالمأكولات البحرية بلبنان! ومع الوقت، هالمطعم صار الو اسمو وشعبيتو، وكتير إنشهر بالسمك الطازة، التفنن باللقمة، الجودة العالية، وكمان الخدمة الممتازة.

مطعم سموكة مناسب لغدا مع العيلة أو لعزيمة لأنو قعدتو شرحة وحلوة. عندو منيو متنوعة من المأكولات الشهية، بس ممكن أكتر شي تنتبهوا أديه عندو مازة بحرية إستثنائية. بيفرشلكن سفرة مرتبة وشهية ع الطاولة ما رح تقدروا تقاوموها من كل شي بيخطر عبالكن أصناف أكل بحري.

من القصص اللي بتميز لقمة سموكة عن غيرو هي طريقة قلي أو شوي السمك. أول ما تجربوا الأطباق عندن، رح تنتبهوا للفرق بالطعمة. أسلوبن الخاص بالأكل بخليكن تنبسطوا بلقمة ما بتلاقوها إلا عندن، وبتخليكن تقصدوا هالمحل على طول.

شو مننصحكن تجربوا عند سموكة؟

المنيو عند سموكة مشكّلة وبتناسب كل الأذواق! من السمك ع أنواعو المقلي، والمشوي، أو النيّ، المقبلات المميزة، السلطات البحرية، أطباق الكلماري والسلمون والأخطبوط والقريدس وكمان الكراب، عدا عن الصيادية والباستا وقصص كتير طيبة. بس نحن رح نخبركن عن أطيب الأطباق اللي ممكن تجربوها عندن. 

القريدس اللي بيعملوا إن كان مشوي أو مقلي بيطلع بيشهي، بس ضروري تدوقوا عندن طبق فتّة القريدس، لقمة ملوكية عنجد، مزينة بالمكسرات ومغرّقة باللبن! ومش بس هيك، كمان عندن عثملية قريدس مبدعين فيها، طعمها غني وقرمشتها غير عالم.

طبق الـ Paella كتير رح تنغرموا فيه، خاصةً إنو معمول بكل إحترافية وشطارة.

وممكن هني متفنين بالمازة البحرية، بس المازة اللبنانية عندن أبداً ما بتتفوت وتحديداً البطاطا حرة.

الحلو بمطعم سموكة إنو بتلاقوا عندو سناكات وسندويشات كمان، إن كان مع السمك أو القريدس، وللصراحة مننصحكن تجربوا برغر السمك اللي بيعملوا.

بتلاقوا عند سموكة لقمة بتبسطكن وجمعة ما في متلها مع الناس اللي بتحبوهن. للمزيد من المعلومات أو التواصل،

اتصلوا على 872 605 70 – 851 732 07. وما تنسوا تابعوا حسابن على الإنستغرام هون.