١٠ مطاعم رجعت فتحت بالبقاع و بعلبك!

بما إنو خبرناكن عند ٢١ مطعم بالنبطية رجعوا فتحوا أبوابن من جديد، قررنا نكفي مشوارنا ع البقاع – بعلبك. هيدي المناطق تعرضت لعدوان كبير والمحلات عم ترجع توقف ع جريّها من جديد ونحنا حبينا ندعمن. خلونا نخبركن عن ١٠ مطاعم رجعت فتحت بالبقاع و بعلبك! 

1. مطعم الشمس، عنجر

مطعم الشمس غني عن التعريف، واحد من أفضل المطاعم اللبنانية بالبقاع كلو. عندو اللقمة البقاعية ع أصولها، الأطباق الأرمنية، سفرة كريمة مع تحلاية ولا ألذ، وقعدة بتاخد العقل! رجع فتح وصار جاهز يستقبلكن ع أكرم لقمة!

الرقم: 800 620 81

2.  ليالي القمر، عميق 

إذا عبالكن قعدة مع أجمل طلّة ع سهل البقاع كلو، ليالي القمر فتح وناطركن من جديد ع أطيب الأطباق اللبنانية التراثية. 

الرقم: 388 045 70

3. مطعم قصر بعلبك، بعلبك

مين فينا ما بيحب مطعم قصر بعلبك؟ رجع هالمطعم المحبوب مع قعدتو القديمة المكنكنة، طبلية النية يلي بتشهي، وأطيب مشاوي لحمة ع الأصول!

الرقم: 666 377 08

4. مطعم سما بعلبك، بعلبك

صار فيكن تزوروا مطعم سما بعلبك وتنبسطوا بالجلسة الحلوة والأكل الطيب من أول وجديد!

الرقم: 007 004 76

5. غوستاف، بعلبك

 اشتقتوا تدوقوا الكوكتيل اللبناني من عند غوستاف؟ صار فيكن تميلوا لعندو وتطلبوا ألذ الحلويات!

الرقم: 158 738 70

6. مطعم نبع عنجر ، عنجر

في أحلى من قعدة مطعم نبع عنجر؟ صار فيكن ترجعوا تستمتعوا بهيدي القعدة الحلوة جنب البط ونافورة الميّ من جديد! ما تنسوا تطلبوا عندن النيّة!

الرقم: 111 622 08

7. Sol Bistro، بعلبك (رح يفتح قريباً)

هالكافيه المهضوم كان مقصد الكل لفنجان قهوة أو لاتيه طيب. أول ما يفتحوا قريباً، زوروهن ودوقوا من عند الباستا، المخبوزات الطيبة، ولعبوا دق طاولة!

8. الخان المقصود، تعنايل

اشتقتوا لجو الضيعة البقاعي؟ منحب نخبركن إنو الخان المقصود رجع فتح بتعنايل، وهو أكتر مطعم بالبقاع بعيّشكن قعدة الضيعة القديمة!

الرقم: 279 124 03

9.  مطعم أمالين – تعنايل

كلنا منعرف أديه الأطباق عند أمالين مقدمة بكل شطارة وكرم! وأديه نحنا مبسوطين إنو فتحوا فرعن بالبقاع من جديد!

الرقم: 000 600 81

10. مطعم كلاسيك فود – النبي شيت وبعلبك 

برغر، سوشي، بيتزا، شاورما، وكلو صار فيكن تستمتعوا فيهن من جديد عند مطعم كلاسيك فود!

الرقم: 978 900 70

شوفوا كمان، ١١ مطعم فتح وراجع ع قلب الضاحية!