أفضل أماكن للسهر بلبنان من دون ما تفضوا جيبتكن

عم تدوروا على طريقة تقضّوا فيها ليلة حلوة من دون ما تصرفوا يمين شمال؟ جمعنالك أحلى أماكن للسهر بلبنان لليالي مشوّقة وبأسعار بتريح.

1. Atomic Bar، تيرمينال ضبيه

إذا أنتو ورفقاتكن بدكن سهرة ممتعة من دون ما تفضوا جيوبكن، أكيد رح تحبوا أجواء أتوميك بار بتيرمينال ضبيه.

جوّه عفوي ومليان حياة، فيكن تنتقلوا بين عربات الأكل، تطلبوا شوت، وتحضروا عرض بليلة وحدة.

البرنامج عندن:

الأحد: ليلة ضحك مع ستاند أب كوميدي ومشروب
الثلاثاء: بطولات الفرنجيه 
الأربعاء والخميس:  ladies night مع DJ لايف
الجمعة: سهرة عود

السبت: fusion نايت ورقص للأخر

القعدة برا بتخليه خيار رهيب لليالي الصيف. هوا طلق، موسيقى بتجنن، وجمهور ناشط بيخلي الجو مولّع.

📍 العنوان

Atomic Bar تيرمينال ضبيه

اكبس هون لتعرف الموقع بالزبط

⏰ ساعات العمل:

يوميًا ما عدا الاثنين من 9 المسا لـ 12:30 (ولـ 2 بعد نص الليل بالويك اند)

📞 للتواصل

الرقم: 418 181 71 – 313 181 71

2. The Retro Pub، برمانا

جو ريترو، ناس مهضومة، وأسعار بتناسب الكل. محل مثالي لرفقاتكن إذا بدكن سهرة بتروق الراس.

ريترو بوب مخبى ببرمانا، ومشهور بأغاني الزمن الجميل وقعدات الرصيف. تابعوا جدولن الأسبوعي، يمكن تلاقوا ليلة موسيقى لايف بتعجبكن.

📍 العنوان

اكبس هون لتعرفوا موقع مار مخايل وهون لتعرفوا موقع برمانا.

⏰ ساعات العمل

كل يوم من الساعة 4:30 بعد الضهر لحد الساعة 1 الصبح

📞 للتواصل

الرقم: 766 267 81

3. Tao Bar، كاسليك

تاو بار هو جوهرة ع البحر، بيجمع المطبخ الآسيوي مع جو السهر اللبناني. المنظر للموج بيخلّيك تقضي ليلة ما بتنتسى.

كل أربعاء: ليلة تمانينات ريترو – مع أحلى أجواء شرب وأكل، وسهر.

📍 الموقع

منتجع غايا باي ذا سي، كاسليك

اكبس هون للموقع بالزبط.

📞 للتواصل

الرقم: 267 268 03

4. Neighbors، الحمرا

محل بسيط ومحبوب بالحمرا، مثالي لليلة مريحة بعد الشغل. بيقدملك مشروبات باردة، أكل طيب، وجو بتحس حالك فيه مبسوط.

كل أربعاء: ليلة مكسيكية – open margaritas and nachos بـ 20 دولار ع الشخص.

📍 العنوان

شارع المهاتما غاندي، الحمرا

اكبس هون لتعرف الموقع بالزبط.

⏰ ساعات العمل

يوميًا من الساعة 4:30 مسا حتى 3 الصبح

📞 للتواصل

الرقم: 259 740 01

5. BRUIT Rooftop، كاسليك

إذا بدك تشوف الغروب من أحلى محل، BRUIT روفتوب هو الوجهة. منظر المدينة، موسيقى دي جي، وجو روعة على الآخر.

الغروب هون غير، ومع الوقت القعدة بتتحول لرقص وسهر.

📍 العنوان

كاسليك، قريب من البوسطة

اكبس هون لتعرف الموقع وين بالزبط.

⏰ أوقات العمل

من الخميس للأحد من 7 المسا لـ 3 الصبح

📞 للتواصل

الرقم: 545 556 81

6. Seaview Lounge، مينا الحصن

موراي بيروت هلق فتحوا لاونج جديد على البحر فيكن تستمتعوا فيه بقعدة مميزة، تطلبوا أطيب المقبلات، تشربوا مشروبكن المفضل، وتتفرجوا ع منظر الغروب الساحر.

المطعم معروف بالحصص الكريمة وأسعارو الرائعة، فيكن تتوقعوا نفس التجربة من الصالة الجديدة على البحر. هيدا المكان المثالي للعشا والمشروبات، بأجواء هادية، نسمة صيفية، و أغاني حلوة بالسهرة.

📍 العنوان

موراي بيروت، مينا الحصن

إكبس هون لتعرف وين الموقع بالزبط.

⏰ أوقات العمل

يوميًا من 5:30 المسا

📞 للتواصل:

الرقم: 499 320 81

أي بار من هيدي أماكن للسهر بلبنان رح تجربوا؟

شوفوا كمان

أضخم 25 مهرجان حول لبنان لصيف 2025