قعدة ع التراس ومنظر الجبل…مطعم جديد بدير القمر!

بدير القمر، الضيعة اللي معروفة بسحرها وبيوتها العتيقة، فتح مطعم لبناني جديد اسمو أمون. من أوّل ما بتفوتوا، بتحسّوا حالكن رجعتوا لزمن البيوت اللبنانية التراثية: قناطر حجر، شبابيك خشب، وجو دافي بيذكّركن بأيام زمان.

ورا اسم هالمطعم في حكاية قديمة… تسمّى أمون تيكرّم الأميرة أمون شهاب، ست دير القمر، يلي كانت معروفة بحبها الكبير للبنان.

مطعم أمون بيقدملكن تجربة لبنانية أصيلة …القعدة فيه بتجمع بين التراث والراحة، خاصةً مع التراس المفتوح ع منظر جبال بيخطف القلب. تخيّلوا حالكن قاعدين بهدوء الجبل، وعم تتفرّجوا ع الشمس وهي عم تغيب وتلوّن السما… المنظر لحالو كافي ليخليكن ترجعوا مرّة ومرّتين.

ع الطاولة بتحسّوا حالكن بضيعة، مع سفرة عامرة بالمشاوي والمازة الطازة: حمص، تبولة، بندورة جبلية، وكبّة مشوية بتشهي. كل طبق كأنو معمول ببيت تيتا، والأجواء بتخليكن تاكلوا ع مهلكن وتستمتعوا بالمنظر.

دير القمر وجهة مشهورة للي بدّو يتنفس هوا نضيف ويعيش جو تراثي، و مطعم أمون إجا يضيف لمسة جديدة ع هالضيعة. هو المحل اللي بتزوره إذا بدكن ضهرة مع العيلة، قعدة رومانسية ع التراس، أو حتى جمعة مع الأصحاب. الأكيد إنو بتطلعوا بتجربة ما بتتنسّى.

إذا عم تدوروا على مطعم لبناني بيجمع بين الأكل الطيب، التراث، والاطلالة الخيالية، أمون هو العنوان. جوهرة مخباية بقلب دير القمر ناطرتكن تكتشفوها. تابعوهن ع انستغرام هون. وللتواصل ع الرقم: 676 763 78

حبيتوا هالمقال؟ شوفوا كمان:

قريباً بأسواق بيروت: 7 محلات الكل عم يحكي عنها

. Alo، MRKT، Eataly، وغيرن كتير صارت محط أنظار الناس، وهلّق في 7 محلات جديدة رح تفتح عن قريب.