هيدا أول مطعم اللحم المدخّن بالنبطية!

إذا إنتو من محبي اللحم المدخّن، لازم تحطّوا هالمطعم ع ليستة ضهراتكن بالنبطية. Bullseye لازم تزوروا لأنه بيقدملكن أشهى منيو: بريسكت طري، Ribs دسمة، ودجاج مدخّن ع الآخر.

هالمحل موجود بالنبطية التحتا، وبيعطيكن إحساس كأنكن رحتوا ع مطعم بتكساس، وكمان هو الأول والوحيد بجنوب لبنان!

شو ع المنيو؟

كل شي بتحبوه: بريسكت مدخن طري، Ribs غنية ومغرّقة بالصوص، ووينغز حرة مشوية ع الفحم لتعطي نكهة بتشهي.

طبق بريسكيت المدخن عبارة عن: بريسكيت مدخن لمدة 12 ساعة، رز، سلطة، بطاطا مقلية، و3 صوصات لتغمسوا فيها لقمتكن.

إذا كنتوا حابين تدلّعوا حالكن، جرّبوا الأضلاع المدخنة ع نار هادية لمدة 12 ساعة لتصير طرية وبتفصل عن العضم بسهولة. وما بيوقف إبداعهن ع الأطباق الرئيسية، كمان في بيتزا باللحم المدخن، برغر وسندويشات صاب.

المنيو مخصص لعشاق اللحمة، بس ما تنسوا الأطباق الجانبية. المقبلات عندهن ممتازة لتشاركوها مع العيلة أو مع الأصحاب. الناتشوز بالجبنة، البطاطا المقلية والجوانح المدخنة عنجد بيعطوا طعمة وبيعملوا جو.

كيف الأسعار؟

إذا عبالكن تعرفوا الأسعار، هي لمحة عنها:

المقبلات 🥗 تقريباً 7$، ومنها بطاطا مقلية، ناتشوز، الموزاريلا، وغيرهن.

الأطباق المدخّنة🍖 تقريباً 26$، كل أنواع اللحوم المدخنة والدجاج.

بيتزا وبرغر 🍔 تقريباً $8 لتشكيلة من البيتزا المدخنة والبرغر، بتشمل بعض الكلاسيكيات.

الحلويات 🍰 تقريباً بـ5$ بتشمل قطع الكيك وكاسات الآيس كريم.

الحصص كبيرة، وبتلاقوا وجبات محرزة بأسعار حلوة. عندهن كمان Family platters إذا جايين مع العيلة.

العنوان

لحتى تعرفوا موقع Bullseye بالتحديد بالنبطية، اكبسوا هون.

الدوام

كل يوم من الساعة 1 بعد الضهر حتى 11 بالليل (حتى 12 نص الليل من الجمعة للأحد)

للتواصل

الرقم: 740 650 76

المطعم يلي اشتقنالو… Meats & Bread رجع ع بيروت!

هالمحل كان هوس كتير من الناس ببيروت، انشهر بالبرغر والجوانح اللي بطيروا العقل وبيستاهلوا كل مشوار