طالعين ع التلج؟ أحلى 21 أوتيل مغطى بالتلج بلبنان
موسم التلج بلبنان من أحلى أوقات السنة، واللبنانية والسيّاح بينطروه ليعيشوا سحر لبنان بالأبيض. ومع أوّل شتوة، كتار منّا بيصيروا يفتّشوا على أوتيل ليقضوا ليلة دافية أو نهار من التزلج—مع الشريك، العيلة أو الأصحاب. عملنا برمة على أجمل المناطق التلجية، وجمعنالكن أحلى 21 أوتيل مغطى بالتلج بلبنان فيكن تقضوا فيهن ليلة ولا أروع بين الطبيعة، البياض، والكنكنة.
1. Terrebrune Hotel، فقرا كفردبيان
تخيّلوا صبحية من الحلم: ترويقة بلدية على بلكون خاص مع منظر التلوج البيضا. تجربة رومانسية دافية ناطرتكن بكفردبيان.
الرقم: 301 030 03
2. Oakridge Faqra، فقرا كفردبيان
أوتيل فاخر بيجمع بين الرومانسية والراحة، مثالي لشهر العسل الشتوي. مطعم راقي، سبا ومساج، مسبح داخلي، وإطلالات خلابة على الطبيعة.
الرقم: 009 707 70
3. Laklouk Village Vacances، اللقلوق
أوتيل ساحر بأحضان الطبيعة باللقلوق، بتلاقوا بهالمكان تجربة منتجع مميزة مع الشريك. وحتى فيكن تجربوا جاكوزي بنص التلج لما تتلج الدني بالمنطقة
الرقم: 112 441 03
4. Le Cedrus Hotel، الأرز
جو جبلي مريح وأجواء بتاخدكن لعالم تاني. من الغرف للأكل، تجربة متل سويسرا، ونوم على منظر التلج الأبيض.
الرقم: 777 413 70
5. Mist Hotel & Spa، إهدن
يلي بيحبوا الراحة والرفاهية بالجبل: مناظر تلجية بتاخد العقل، وخدمات سبا فاخرة بتخليكن تعيشوا استرخاء ما بينسى.
الرقم: 222 100 71
6. Hotel Alpine، الأرز
أجواء جبليّة وديكور بياخدكن ع ريف سويسرا. تراس مطل على الطبيعة، وغرف دافية مريحة، وتجربة شتوية أصيلة.
الرقم: 877 145 70
7. Grand Hotel Bois de Boulogne، مروج المتن
أجواء كلاسيكية وجبلية، غرف مرتبة ومطعم بقدم عشوات دافية، شاميني. المكان المثالي لشهر عسل دافي ورومانسي بجبل صنين.
الرقم: 101 295 04
8. Le Montagnou، كفردبيان
أوتيل خشبي دافي وأطباق سويسرية، خصوصي جبنة الفوندو. بالشتوية، لما يغطي التلج كل شي، القعدة هون بتصير خيالية مع نبيد وأكل دافي.
الرقم: 441 341 03
9. Grand Kadri، زحلة
زحلة مدينة الضيافة والجو الحلو، وهالأوتيل هو المكان المثالي لتعيشوا الراحة والدفا بقلب الشتوية.
الرقم: 038 800 78
10. Faqra Hills Wellness Hotel، فقرا
استرخوا بالتخت، فنجان قهوة سخنة وفيو ع الجبال البيضا يفتح النفس. فندق فاخر مع كل وسائل الراحة وسط ديكور أنيق وفخم.
الرقم: 876 576 03
11. Faraya Village Club، فاريا
واحد من أشهر أوتيلات فاريا يلي بيقدم خدمات مميزة، إقامة مريحة، ومنظر للتلوج ما بتتفوت! بيتميز بجاكوزي خارجي مطل ع الجبل لقعدة رومانسية.
الرقم: 666 320 09
12. White Cedar Hotel، الأرز
كل شيء مكلّل بالتلج! تجربة تزلج لكل العيلة، نار دافية للجو الحلو، ورومانسية ما بتنتسى بالليل.. رحلة شتوية حلوة ومريحة من أولها لآخرها.
الرقم: 394 493 70
13. L’auberge de Zaarour ، الزعرور
عندن جو دافي ورومانسي جنب الصوبا مع كل وسايل الراحة والرفاهية وسط التلوج والجبال!
الرقم: 000 583 71
14. أوتيل شلالات الباروك، الباروك
جو رومانسي ودافي ناطركن عند أوتيل شلالات الباروك! عندن مطعم بيقدم أكل لبناني بيشهي وفيو للطبيعة بتاخد العقل لتقضوا عطلة من العمر مع الشريك.
الرقم: 922 901 81
15. Hotel Provençal، إهدن
ببساطتو ودفاه، أوتيل بروفانسال بيقدم قعدة مريحة وسط طبيعة إهدن الساحرة. مكان مثالي لقضاء وقت ممتع مع العيلة بالشتوية وحد التلجات.
الرقم: 632 226 03
16. Cherry Blossom Hotel، بحمدون
إطلالات خيالية على جبال لبنان، جو سحري وهادي، خيار ممتاز للراحة والاسترخاء لما تتلج ببحمدون.
الرقم: 770 129 71
17. Château D’eau، فاريا
كل شي بهالمكان شتوي: القرب من المنحدرات، الغرف الدافية، والإطلالات الرائعة. Château D’eau هو وجهتكن إذا بتحبوا التزلج والدفا.
الرقم: 595 875 78
18. Eleven Hotel، كفردبيان
هالأوتيل مغطى بالبياض كل الشتوية، غرف مرتبة مع منظر للتلوج بياخد العقل!
الرقم: 931 999 70
19. The Ridge، اللقلوق
مكان دافي بقلب جبال اللقلوق، مثالي لقضاء وقت ممتع وسط التلج والطبيعة. تجربة شتوية بتجمع الهدوء مع الكنكنة.
الرقم: 339 443 70
20. Snowland Hotel، قناة بكيش
عبالكن تقضوا يومين حلوين بالتلجات؟ هيدا الأوتيل محاوط بالبياض، وعندو كمان بيستات للتزلج، غرف دافية من جوا ومنظر بياخد العقل.
الرقم: 300 345 03
21. InterContinental Mzaar، كفردبيان
من أشهر أوتيلات خمس نجوم بمزار كفردبيان. قضوا نهار كامل ع التلج وناموا ليلة غير شكل بالجبل، مع خدمات ممتازة!
الرقم: 100 340 09
خبرونا، أي أوتيل مغطى بالتلج بلبنان رح تزوروه؟
الأكثر قراءة هالشهر
