قهوة الصبح وبيرة بالليل: Chuck et Luc جايي ع الجميزة

شو ناطركن بشارع باستور هالشهر؟ Chuck et Luc، مطعم أميركي عصري، كافيه مختص وبار بيرة حرفية، رح يفتح أبوابه هالشهر، ومعه تجربة مميزة: أول بار بيرة Mikkeller بالشرق الأوسط.

رح يضمّ المحل 16 حنفية بيرة بتتغيّر ع طول، وبتقدّم مجموعة كبيرة من أنواع البيرة من البراند الدنماركي الشهير، من الـIPAs والـlagers للـstouts والـsours وغيرها. يعني إذا البيرة الحرفية من القصص يلي بتحبّوها، Chuck et Luc أكيد محل لازم تحطّوه ع ليستة الأماكن يلي لازم تجرّبوها.

بس Chuck et Luc مش بس للبيرة. أسّسه بوغوص زتليان، والفكرة وراه إنو يكون وجهة بترافقكن من الصبح للمسا. فيكن تبلّشوا نهاركن بقهوة مختصة، ترجعوا للغدا أو العشا، وبعدين تكمّلوا السهرة بكاس بيرة من البار.

المنيو بيقدّم أكلات أميركية كلاسيكية بلمسة خاصة، وبالليل الجو بيصير مختلف كلياً عند البار.

مساحة وديكور ولا أروع:

المحل موجود بالطابق الأرضي من مبنى عصري، وديكوره بيجمع بين خشب البلوط الدافي، البلاط الأخضر الغامق، الباطون الخام والحديد الأسود.

ومن أكتر التفاصيل يلي بتلفت النظر، الدرج المفتوح ورا رفوف خشبية طويلة واصلة من الأرض للسقف. وبزاوية القهوة، في ماكينتين XLVI Indipendent lever إيطالية الصنع، واللي أكيد رح يلفتوا نظركن من أوّل ما تفوتوا.

حتى الهوية البصرية لـChuck et Luc مختلفة، مع رسومات مرسومة باليد بتضيف للمحل شخصية خاصة وجو مريح.

الفكرة ببساطة إنو يكون عندكن محل لكل وقت: قهوة الصبح، غدا وقت تجوعوا، عشا، سهرة، وكاس Mikkeller عالبار لما تكونوا عبالكن بيرة.

Chuck et Luc رح يفتح أبوابه هالشهر بشارع باستور، الجميزة. تابعوهن هون لتعرفوا كل جديد

شوفوا كمان:

لكل محبّي اللبن اليوناني، هيدا المحل الجديد ببيروت إلكن