شاب لبناني عم يعمّر لأمّه شاليه أحلامها بلبنان

اللي بلّش كحلم عند أمّه، وتموّل من نجاحه بمجال الموسيقى، عم يتحوّل اليوم لحقيقة. الموسيقي داني عريضي عم يبني بيت ضيافة فاخر كرمال يحقّق حلم والدته، ومن المقرّر يفتح أبوابه هالشهر، بأيلول.

بين شجر الزيتون بعباي بالجبل، موجود Fay Chalet بإطلالات واسعة من فوق ساحل المتوسط. وبفضل موقعه، بيبعد حوالي 15 دقيقة عن البحر و25 دقيقة عن بيروت، يعني فيكن تستمتعوا بهدوء الجبل وتضلّوا قريبين من الساحل.

جولة جوا الشاليه:

Fay Chalet مصمّم ليأمّن أعلى درجات الخصوصية والراحة، وبيساع لحدود 6 أشخاص، وبيضم:

– مسبح إنفينيتي بإطلالة عالبحر
– بانيو منفصل
– شاميني
– مساحة واسعة مناسبة للأعراس الصغيرة والمناسبات الخاصة

ومن هلق، الشاليه بلّش يستقبل حجوزات للمناسبات، حتى إنو أوّل عرسان حجزوا المكان ليحتفلوا بعرسن فيه.

بالنسبة لداني، Fay Chalet مش بس مشروع، إنما مشروع من القلب كان حاضر بكل تفاصيله من أول يوم. وثّق مراحل البناء وشارك متابعيه بكل خطوة، من رسم المخططات عالأرض ووضع أساسات الباطون، لحد ما صار عندن طابقين كاملين.

وهيدا يمكن أكتر شي بيمَيّز Fay Chalet: مش بس الفخامة والتفاصيل الحلوة، إنما القصة اللي ورا كل حجر انحط بالمكان.

فيكن تتابعوا كل مراحل بناء شاليه بسلسلة فيديوهات عالإنستغرام تبعهن من هون!

شوفوا كمان:

قعدة جنينة وبركة ميّ بهيدا الكافيه بالمدينة!