مهرجان يوم الدبس راجع ع راشيا الوادي هالويك-اند (الدخول مجاني)

إذا بتحبّوا الأجواء التراثية، المنتجات البلدية، والنكهات اللي بتاخدكن دغري ع ضيع لبنان، حضّروا حالكن ل مهرجان يوم الدبس السنوي من قلب ضيعة راشيا الوادي! واحد من أبرز الفعاليات اللي بتحتفل بتراث المنطقة وخيراتها.

المهرجان، اللي بتنظّمه بلدية راشيا الوادي وجمعية راشيا أند بيوند. راجع هالسنة بنسخته الثامنة ليجمع أهل المنطقة والزوار بعطلة ويك-اند مليانة تراث، ضيافة، أكل بلدي ومنتجات محلية.

والدبس، أكيد، هو نجم هالاحتفالية. هيدا المنتج اللي إلو مكانة خاصة بتراث راشيا، رح يكون حاضر بأشكال مختلفة. من تذوّق المنتجات المصنوعة منه لسوق محلي من منتجات وخيرات أهل الضيعة.

وغير الأكل، المهرجان فرصة حلوة لتكتشفوا سوق راشيا الأثري وتتمشّوا بين أجوائه القديمة، وتتعرفوا أكتر على الحرف والمنتجات المحلية، وتعيشوا نهار بعيد عن المدينة وسط أجواء ضيافة البقاع المعروفة.

يعني إذا عبالكن مشوار ع الضيعة، مع شوية تراث ودبس، أكل طيب، منتجات محلية وأجواء لبنانية أصيلة، راشيا الوادي ناطرتكن بهالعطلة.

📍 سوق راشيا الأثري – راشيا الوادي
📅 السبت والأحد، 3 و4 تشرين الأول 2026

🎟️ الدخول مجاني

خدوا الويك إند وروحوا ع راشيا، ودوقوا الدبس وخيرات المنطقة بأجواء بتجمع بين التراث، السياحة والضيافة اللبنانية.

صورة الغلاف من Socrat Photography.

شوفوا كمان:

بيت ضيعة بيستقبلكن ع أحلى قعدة تحت العريشة بالشوف!