فرفحوا قلبكن ببيت فرح على بحر أنفه 

ضبوا الشنطة ومشوا ع البحر!

اليوم رح ناخدكن رحلة حلوة على منطقة أنفه بالكورة، على بيت زغير اسمو بيت فرح، هالبيت بيدخل دغري على القلب بشبابيكو المقنطرة وموديله القديم، مزيّن بشجر النخل ونسمات البحر بتغزل فيه وين ما كان.

بيت فرح جار البحر وبيت الأحلام السعيدة، ومخبى بين الشوارع القديمة الزرقا بأنفه اللي بتحسسّكن إنكن بجزيرة سانتوريني باليونان.

تخايلوا فقتوا بهالبيت الصبحيات وإنبسطتوا بترويقة لبنانية غير شكل، بعدها تمشيتوا دقيقة وحدة بس ولقيتوا البحر نايم قدامكن بكل جمالو، أديه حلو؟

بيت فرح بيعتمد الموديل القديم والغجري، ألوانو رايقة وهادية، تفاصيلو زغيرة ولطيفة، وقعدتو مميزة لترخوها على رواق وبكل راحتكن بعالمكن الخاص مع الشريك أو الأصحاب.

بيتميز بجلسة على البلكون كتير مهضومة، بتمزمزوا بفنجان قهوة طيب وبتاخدوا نفس عميق مع الطبيعة الحلوة والهوا اللطيف.

كل شي بتحتاجوا مأمنلكن بالبيت، أوضة نوم وفي كذا تخت مريحين، أوضة قعدة لزيزة تقضوا وقت فيها، مطبخ زغير مجهز بكل شي، حمام، وقعدة بلكون بترد الروح.

أمّا بالنسبة للأسعار، فبتقدروا تقضوا ليلة بهالبيت ب 81$، وبتحجزوا على الرابط هون.

للمزيد من المعلومات، اتصلوا على 176 324 79.

شوفوا كمان، هيك أسعار الدخولية على هل-٩ شط ومسبح بجبيل لهل-موسم