أجمل الأوتيلات بمدينة طرابلس هالصيفية
اليوم رح نبرم بشوارع طرابلس القديمة، بين البيوت القديمة والأحياء الشعبية، عجقة السوق والبياعين، ونخبركن عن أجمل الأوتيلات بمدينة طرابلس هالصيفية.
بتلاقوا بمنطقة المينا بقلب شارع مزيّن بالشماسي الملونة أوتيل فيا مينا، أوتيل الحجر القديم والشبابيك الزرقا، الورد المعلق والجنينة الحلوة. عندن مطعم بترويقة غير شكل، وبار لتجربوا كوكتيلات طيبة، ومكتبة قديمة لتتصفحوها على رواق، وكمان مسبح مخبى عن المدينة!
الرقم: 227 222 06
2. Azur Hotel
هالأوتيل ناطركن على قعدة تراثية وقديمة، بلكونات بقناطر، غرف مريحة بموديل قديم، باحة ساحرة الجمال لتقعدوا تشربوا قهوة على رواق. أوتيل عنجد بياخدكن على زمن الجميل وجمالو!
الرقم: 105 343 03
أوتيل فيكتوريا بياخدكن على عالم الرواق والراحة، من قلب جنيناتو وقهوتو الطيبة، من بلكوناتو الرومانسية اللي بتطل على المدينة، ومن قلب غرف ساحرة الجمال. وكمان بيقدم نشاطات وجولات سياحية بطرابلس، أوتيل ضروري تجربوا لما تطلعوا على الشمال!
الرقم: 204 529 76
4. بيت النسيم
بيت النسيم عبارة عن أوتيل بيتميز بأسلوب العمارة العثمانية، من قناطر عالية والصخر القديم، السقوف الخشبية والمفتوحة والنقشات العتيقة. هالأوتيل جوهرة لمحبي القعدات التراثية بين الأثريات والأنتيكا. عندن مكتبة رايقة، ديوان الرياضات الروحية، جنينة بقعدة حجر تحت شجرة الزيتون، جسر سري مخبى بالأوتيل، وتراس بيطل على شوارع طرابلس كلها، وكمان ترويقة طيبة الصبحيات.
الرقم: 156 308 03
شوفوا كمان، مشوار على أجمل مطاعم طرابلس: قعدة ولا أروع على النهر الجاري
