تعو نزور أطيب المطاعم بالتلج
موسم التلج بلش ومين فينا ما بحب يستغل هالموسم ويقضي وقت مع العلية والأصحاب بمطاعم على الثلج، وكرمال هيك إخترنالكن بعض المطاعم بلبنان الي عنجد فيكن تستمعو فيا بقعدة شتوية مع الثلجات أهم شي:
١. جلسة العرزال – حراجل – طريق فاريا:
مطعم تراثي متخصص بالمأكولات الشتوية البسيطة متل جبنة، لبنة، زعتر، مناقيش على الصاح، بيض وطبعاً ما بدنا ننسى البطاطا المشوية على الحطب، ببساطة القعدة بطير العقل خاصة مع الثلج حد نار الحطب وإبريق شاي.
للحجز: ٨٨٣ ٢٨٥ ٠٣
٢. مطعم السائح – الباروك:
قعدة شتوية بإمتياز وأكل شرقي وغربي بقدملكن ياه مطعم السائح، هالمطعم الي بيوقع بقلب غابة أرز الباروك – الشوف، يعني فيكن تعتبرو حالكن بهالطقس قاعدين بقلب الثلجات مع إطلالة بتقطع الأنفاس.
للحجز: ٥٨٧ ٢٤٠ ٠٥
٣. مطعم بانشو فينو:
فيكن تسهرو وترقصو وتاكلو وتستمعوا بالثلج بأجواء دافية بهلرستو باب بفاريا والي بقدم العديد من الأطباق منا البيتزا والسمك والباستا والشوربا وأكيد المشروبات والحلويات.
للحجز: ٧٠ ٧٠ ٥١ ٧٠
٤. مطعم الحارة – فقرا:
هالمطعم بيتميز بتصميم تراثي قديم وإطلالة رائعة خاصة هلق بموسم الثلج، وبقدم أكل شرقي فاخر من مازات لبنانية لمشاوي على أنواعها وما بدنا ننسى التحلاية بعد الأكل.
للحجز: ٩٢ ٣١ ١٠ ٧٠
٥. لي مونتانيو:
واحد من أشهر المطاعم بمنطقة عيون السيمان – كفرذبيان، بيتميز بتصميمو الخشبي وقعدتو الفريدة المطلة على جبال الثلج بهالموسم، وبقدم العديد من الأطباق الفرنسية والأوروبية الشهية وأكيد الحلويات والمشروبات على أنواعا.
