لقينا محل بيقدم تجربة سيفورا بالجناح!
إذا بعدكن ما زرتوا Voi By Laurie بالجناح، فإنتو عنجد عم تفوتكن تجربة سيفورا من قلب بيروت. هالمحل صار من الأماكن يلي كل بنت بتحب تزورها! لأنو بيجمع أشهر براندات الميك أب والعناية بالبشرة بمحل واحد، مع تجربة تسوق كتير مرتبة وفخمة.
أول ما تفوتوا، بتحسوا حالكن بمحل عالمي: أقسام مرتبة، منتجات معروضة بطريقة بتخليكن بدكن تجربوا كل شي، وبراندات ترند الكل عم يحكي عنها على تيك توك وإنستغرام.
من Charlotte Tilbury و Huda Beauty لـ Rare Beauty و Fenty و Makeup By Mario و Rhode وغيرن كتير. وحتى عشاق المنتجات الكورية رح ينبسطوا لأنو عندن Medicube و Dr. Althea وغيرا من البراندات المطلوبة. مش بس هيك، أكيد بتلاقوا براندات لبنانية ومحلية بتحبوها.
أحلى شي بـ Voi إنكن فيكن تتسوقوا بسهولة حسب البراند، حسب نوع المنتج، أو حتى حسب العروضات الموجودة. يعني سواء كنتوا رايحين تجيبوا فاونديشن، سكن كير، Lip combo أو حتى بس تتفرجوا، مستحيل تطلعوا بإيد فاضية…هيدي إذا مش جايبين كذا غراض!
تجربة التسوق بالمحل كتير ممتعة لأنو واسع وفيه تنوع كبير، وكل قسم بيشدكن تكتشفوا شي جديد. فيكن تجربوا المنتجات لايف وتشوفوا الألوان والملمس قبل ما تشتروا، وهيدا الشي بيخلي التجربة أحلى بكتير من التسوق أونلاين.
وإذا ما فيكن تمرقوا عالمحل، كمان فيكن تطلبوا أونلاين بكل سهولة عبر موقعن الإلكتروني هون.
عنجد Voi By Laurie حلم كل حدا بحب الميك أب والسكن كير، ومحل بيخليكن تقضوا ساعات عم تبرموا من رف لرف بدون ما تملّوا.
📍 Voi By Laurie – جنب Spinneys – الجناح، بيروت
📞 الرقم: 150 755 03
تابعوهن ع انستغرام هون.
