أطيب بريوش بلبنان: تعرفوا على فرن كوكو

عبالكن تذوقوا أطيب بريوش بأهضم فرن؟

يلا طلعوا بالسيارة وخدوا كزدورة على سوق البترون القديم. هونيك بتلاقوا أصغر وأهضم فرن، فرن كوكو.

هالفرن صرله أكتر من ٦٠ سنة عم بقدم أشهى المخبوزات، وانشهر أكتر شي بالبريوش الطري، السخن، وأكيد الطازة يلي بقدمه! يمكن أطيب شي فيكن تتذوقوا هالشتوية.

مش رح تلاقوا متله! ومش بس هيك، فيكن تختاروا بين البريوش السادة، والبريوش على شوكولا. في شي أطيب من عجينة محشية شوكولا مع القهوة الصبح؟

كوكو كمان معروف بتقديم مناقيش وبيتزا كتير رح تعجبكن! عجينة هشة مع حشوة ولا أطيب من هيك. 

ما تروحوا هالأكلة الطيبة عليكن!

للإتصال: ٠٣٤٣٠٣١٤