بوكيه لوز ولا جنارك؟ هالمحل الورد ببيروت عامل شي جديد!

هالموسم ببيروت، في شي جديد رح تنغرموا فيه. محل الورد Adam Flowers قرّر يكسر القاعدة ويقدّم فكرة جديدة ومميّزة هالربيع. بدل البوكيه الكلاسيكي، صار فيكن تطلبوا بوكيه لوز… أو بوكيه جنارك!

الفكرة بسيطة بس كتير ذكية: بياخدوا اللوز الأخضر وبيرتّبوه بشكل دائري ليطلع متل بوكيه ورد حقيقي. وبينحط بالنص حبّة حامض لتعطيه لون وحيوية بتفتح النفس. ومنعرف كلنا أديه اللوز من السناكات المحبوبة بهالموسم، فهالبوكيه صار حلم عند كتير ناس. وسعره حوالي 40 دولار.

وفي كمان خيار تاني لعشّاق الجنارك!

بوكيه الجنارك نفس الفكرة والسعر تقريباً، بس بدل اللوز بيكون في جنارك طازة ومرتب بطريقة فنية حلوة. وإذا بدكن تضيفوا ورد عليه، بيصير حوالي 50 دولار، وبيطلع مزيج فخم بين الفواكه والورد بيعطي شكل منعش ومميّز.

هالنوع من الأفكار عم يميّز محلات الورد ببيروت، لأنو الناس صارت تدور على شي جديد، حلو، وبيفاجئ اللي بيحبّوهن بطريقة كلها هضامة.

خبرونا، بدكن بوكيه لوز ولا جنارك؟ هلق صار فيكن تطلبوه من Adam Flowers. ما تنسوا تابعوهن ع انستغرام هون. للتواصل ع الرقم: 188 029 70.

شوفوا كمان:

تجربة شباك النبيذ الإيطالية وصلت ع سوق جونية!